Црна хроника
Испратено барањето за екстрадиција на Шиповиќ

Барањето за екстрадиција на првоосомничениот за случајот „Машинопромет“ Мирослав Шиповиќ потпишано е и испратено до Австрија, со што започна постапката за негова враќање во Македонија.
Неколку медиуми во четвртокот попладне јавија дека министерот за правда, Блерим Беџети, го потпишал барањето за екстрадиција на претседателот на советот на општина Центар, Мирослав Шиповиќ, кој беше приведен на аеродромот во Виена, по меѓународна потерница распишана од основниот суд Скопје 1. Според процедурата, Врховниот суд во Австрија треба да речи дали ќе дозволи екстрадиција за Шиповиќ, по што одлуката треба да ја потпише австрискиот министер за правда.Шиповиќ, по приведувањето во Виена, изјави дека бил на пат за Македонија од САД.Во случајот „Машинопромет“ осомничени се уште 11 други лица, кои беа приведени. Истражен судија за Мирослав Шиповиќ, кој е првоосимничен, определено мерка притвор со времетраење од 30 дена, од денот на неговото апсење. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени седум полицајци, осомничени дека помогнале дискотеката „Пулс“ да добие лиценца

Предметен јавен обвинител од Специјализираното одделение за гонење кривични дела сторени од лица со полициски овластувања и припадници на затворската полиција донесе наредба за спроведување истражна постапка против седум полициски службеници. Според дејствата опишани во наредбата, постои основано сомнение дека осомничените сториле кривично дело тешки дела против општата сигурност.
Kако службени лица вработени во СВР Штип и ПСОН Кочани како соизвршители, осомничените, изготвувајќи, потпишувајќи и одобрувајќи позитивна согласност, му овозможиле на правно лице да стекне лиценца за вршење угостителска дејност – кабаре иако објектот не ги исполнувал законските услови за работа.
Осомничените сите заедно предизвикале значителна опасност за животот и телото на луѓето овозможувајќи кабарето да работи во супстандардни услови, при што на 16.3.2025 година во објектот настана пожар, во кој починаа 59, а 196 добија тешки телесни повреди.
Ценејќи дека се исполнети условите, јавниот обвинител до судијата на претходна постапка достави предлог за определување мерка притвор за сите седум лица.
Црна хроника
Пронајден починат осуденик во затворот „Идризово“

Синоќа во 22.55 часот во СВР Скопје, од Казнено – поправната установа Затвор Идризово било пријавено дека во установата бил пронајден починат осуденикот З.М.(33) од Куманово.
Лекар констатирал смрт, а по наредба на јавен обвинител телото на починатиот било дадено на обдукција.
Црна хроника
Приведени тројца крадци од Прилеп: украдениот накит и другите предмети вратени на сопствениците

Вчера во Прилеп, полициски службеници од ОВР Прилеп ги лишиле од слобода Е.В.(27), Е.В.(47) и Г.Г.(30), сите од Прилеп.
При претреси во нивните домови, извршени со наредба од Основен суд Прилеп, биле пронајдени накит и други предмети кои потекнуваат од кривични дела „тешка кражба“, извршени во куќи во Прилеп.
Предметите биле вратени на сопствениците, а лицата биле приведени во полициска станица. По целосно документирање на случаите, против лицата ќе бидат поднесени соодветни пријави.