Црна хроника
Шеф на мексикански наркокартел убиен од кловн
Еден од поранешните водачи на Тихуанскиот наркокартел, Франциско Рафаел Арелјано Феликс е убиен во Мексико од човек облечен во костум на кловн, соопштија локалните власти.
Според податоците на полицијата, наркобаронот бил застрелан за време на детски карневал во одморалиштето Лос Кабос во мексиканската сојузна држава Јужна Долна Калифорнија (Baja California Sur). Се претпоставува дека убиецот дошол на празникот преправен во кловн и го застрелал Франциско Рафаел Арелјано Феликс со два истрела од пиштол. Рафаел беше најстариот од браќата Арелјано Феликс кој во 1993 година беше осуден на 15 години затвор поради трговија со дроги во САД.
Картелот од Тихуана дејствува во оддалечениот северозападен дел од државата Долна Калифорнија, на границата со американскиот град Сан Диего. Криминалците од оваа организација криумчарат наркотици на богатиот американски пазар, а се занимаваат и со киднапирања и изнудувања. Според различни процени на полицијата и американските безбедносни служби, картелот под контрола има околу илјада вооружени „војници“.
Браќата Арелјано Феликс го водеа еден од најголемите наркокартели во текот на 1990-те во Мексико. Едниот од нив, Рамон, беше застрелан во 2002 година во престрелка со полицијата, а другите помлади браќа Хавиер, Бенџамин и Едуардо се екстрадирани во САД каде што сѐ уште отслужува долгогодишна затворска казна. Во меѓувреме, според мексиканските медиуми, картелот од Тухуана го раководи нивната сестра Енедина Арелјано Феликс, станувајќи првата жена на ваква „позиција“ во Мексико./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.