Велешанецот кој утрово беше повреден, откако воз удри во него на влезот на железничката станица во Велес, лежел на пругата, јавува велешкиот портал Лисица.

Сé уште се непзонати причините зошто 46-годишниот велешанец кој живеел во близина на местото на несреќата лежел на пругата, но среќа во несреќата е што машиновозачот на возот којшто сообраќал утрово од Битола кон Скопје забележал дека на шините лежи човек.

Возот минал врз него со намалена брзина. Настанот е пријавен во полиција, направен е увид, а лицето Никола Н, бил пренесен во градската болница. Повредите не го загрозуваат животот на 46-годишниот велешанец велат од болницата

Несреќата ги вознемири велешани, велат честа е сликата луѓе да се движат по пругата.„Слушнав дека се случила несреќа но незнам ништо повеќе. Сега само крвта на пругата е доказ дека тука утринава имало железничка несреќа“, вели еден од жителите.

„Возот свиреше долго, но рано беше, не излеговме да видиме што се случи. Еве сега разбираме дека удрил човек , ама добар бил не бил во животна опасност“, рече друг велешанец.

„Лошо е еве видете има мовчиња ама некој луѓе си направиле патеки и од едната до другата страна минуваат преку пругата, деца гледаат па и тие по топките се симнуваат, да се загради некако да биде побезбедно“, велат анкетираните велешани.

Пред шест месеци на само стотина метри од местото на која се счучи денешната железничката несреќа воз усмрти 28-годишен велешанец. Дека железничките несреќи се честа појава во Велес доказ е и бизарниот случај од пред седум дена кога на гевгелиската пруга настрада 22-годишен кочанчанец.

Момчето се симнало од патот на пругата да изврши нужда, но во тој момент наишол товарниот воз, поради струењето кое го предизвикал возот тој изгубил рамнотежа и удрил во заштитниот ѕид./крај/лисица