Приведени се пет од вкупно 13 лица, припадници на криминалната група којашто фалсификувала лични документи и соработуваа со друга група во Германија во меѓународната акција „Орион“.

Поднесена e кривична пријава против 11 македонски државјани на возраст од 25 до 55 години, од Скопје, Гостивар и Тетово и еден албански државјанин, поради постоење на основано сомнение дека истите се сторители на кривични дела „Злосторничко здружување“ и „Фалсификување исправа“, додека со меѓународна правна помош обезбедени се докази и за уште едно 29 годишно лице.

Во Германија од страна на германските полициски служби во извршени се претреси во вкупно 33 објекти на подрачјето на Хамбург и Хале, при што се пронајдени 29 фалсификувани документи, документи со информации за пратки од Македонија, компјутерска опрема, телефонски апарати, мемориски картички.

Организирана криминална група составена од тринаесет лица, подолг временски период се занимавала со набавување различни странски и домашни документи, оригинални важечки документи и фалсификувани бланко обрасци, на кои потоа со употреба на соодветна опрема се вршела исправка или се вметнувани податоци и фотографии од лица „нарачатели“ на фалсификуваните документи.

Три члена на групата, на возраст од 25 до 33 години, биле задолжени да пронаоѓаат лица од Македонија кои се заинтересирани да им се изготват фалсификувани документи кои ќе може да ги користат за регулирање на својот престој во Германија, но исто така добивале податоци за лица нарачатели на фалсификувани документи и од пет члена на групата од Германија, од кои еден е албански државјанин, кои таму пронаоѓале заинтересирани лица.

Потоа сите податоци ги доставувале до првоосомничениот кој ја вршел изработката на фалсификуваните документи, а по нивното изработување ги предавал на двајца други членови кои вршеле доставување до нарачателите или до сопственикот на туристичката агенција ФБИ компани од Скопје кој ја користел за испраќање на документите.

Истите биле испорачувани и преку DHL и FedЕx до Германија, каде посредниците ја вршат доставата до нарачателите и наплатата на паричните средства. Овие лица по наплатата, дел од паричните средства му ги испраќале директно на првоосомничениот или пак преку второосомничениот, користејки ја услугата на Брз трансфер на пари.

„Криминалната група имала добро разработен начин на делување, така што по остварени телефонски контакти, лични средби и договори, помеѓу посредниците и фалсификаторите од Македонија, посредниците електронски доставувале фотографии и податоци за лицата за кои биле наменети фалсификуваните документи и видот на документот кој треба да биде изработен, а согласно на видот и квалитетот на фалсификуваниот документ била определувана и цената, која се движела од 800 до 1500 евра, додека за истите во Република Германија на лицата за кои биле наменети им се наплатувала повисока цена“ изјави Јанкулоска.

Германската полиција пронашла италијански, бугарски, белгиски, холандски, грчки, словенски, фински пасоши, лични карти, возачки дозволи наменети за 38 лица, кои биле изработени во Македонија и потоа испратени на повеќе различни адреси во Германија.

Вчера, врз основа на издадени наредби од страна на истражен судија, извршени се претреси во шест домови на дел од пријавените лица (во Скопје и Тетово) и во туристичката агенција ФБИ компани. При претресите пронајдени се телефонски апарати и СИМ картици, три десктоп и два Лап Топ компјутери, парични средства во износ од 9000 евра, документи од лица за Фонд за здравствено осигурување, сметки од Western Union, Шаблон со гумени букви, бројки и симболи за внесување на податоци на документите и друго. Со наредби од истражен судија за увид во евиденциите на DHL и FedEx, обезбедени се товарни листови за остварени пратки од страна на членовите на групата./крај/мвр