Црна хроника
Грк сакал да прошверцува 57 илјади евра

Грк во понеделникот попладне на граничниот премин „Богородица“ се обидел да прошверцува 57 илјади евра, соопштуваат од Царинската управа.
Четворица Грци со автомобил сакале да влезат во Македонија и на цариниците им рекле дека немаат ништо за пријавување.
Но цариниците сепак извршиле контрола на лицата и возилото и кај еден од сопатниците нашле мала чанта и во неговиот личен багаж пронашле 67.200 евра за кои лицето не поседувало никаква документација за потекло.
Согласно Законот за девизно работење 10 илјади евра му се вратени на лицето, а останатите 57.200 евра привремено се задржани.
Против грчкиот државјанин е поднесено Барање за поведување на прекршочна постапка согласно Царинскиот закон./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.