Кумановец на возраст од 28 години е повреден и пренесен во болница, откако во неговиот дом во селото Доброшане експлодирала плинска боца.

Како што информираат од МВР, инцидентот се случил во утринските часови на 5 декември, а според пријавеното, 28-годишникот запалил шпорет на дрва на кој била поставена плинска боца, која притоа експлодирала.

Кумановецот бил пренесен во комплексот клиники „Мајка Тереза“ за укажување лекарска помош.

Увид на местото на настанот извршила екипа од СВР Куманово и се преземаат мерки за расчистување на случајот.

На магистралниот пат Штип – Велес, кај местото наречено Три Чешми, утрово полицијата уапсила струмичанец кој со камион „нисан“ превезувал 19 мигранти од Авганистан и Пакистан.

Претходно, возачот не застанал на знакот за запирање од полицајците и се обидел да побегне, но набргу потоа возилото било запрено и струмичанецот бил уапсен.

По целосно документирање на случајот, против возачот ќе биде поднесена соодветна пријава.

Тетовската полиција поднесе кривична пријава против 25-годишник од овој град, кој се товари за кривично дело тешка кражба.

Како што информираат од МВР, пријавениот во периодот од 15 септември до 6 октомври годинава, со нагоден клуч извршил тешка кражба во куќата на својот татко во село Јанчиште и одзел пари.