Црна хроника
Крадец врзал жена и ја малтретирал да му каже каде се парите, вкупно пет кражби за три дена
Крадец врзал жена и ја малтретирал се додека не кажала каде се парите. Ова е само една од петте тешки кражби што се случиле во последните три дена низ Македонија.
Инцидентот се случил во вторникот во 8 часот наутро во скопското село Булачани.
Крадецот ја нападнал жената со нож и кога се обидела да му земе ножот ја расекол.
Потоа, жената која била сама дома, ја врзал во гаражата и ја малтретирал се додека не му кажала каде се парите.
Украл 10.000 евра и 90.000 денари и избегал. За време на продолжениот викенд вечерта во неделата спрот понеделникот, на улица „Цветан Димов“ во Скопје, разбојник со погоден предмет влегол во куќа и украл 300.000 денари и златен накит, се во вредност од 360.000 денари.
Следната вечер, во понеделникот спроти вторникот во населбата Циглана во Гостивар, разбојник украл компјутер, монитор, пет тастатури, пет мауси и пет бокса за поврзување на монитори од основното училиште „Братство“.
Во вторникот се случиле во тешки кражби во Скопје и Гостивар. Крадецот во Скопје влегол преку прозорецот од бањата во стан на улица „Востаничка“ и украл златен накит во вредност од 400.000 денари.
Во Гостивар пак разбојникот со подесен алат го отворил балконскиот прозорец и украл 6.000 евра и златен накит.
Полицијата ги бара крадците./крај/мвр/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.