Црна хроника
Запленети близу 10 кг марихуана на Блаце

Македонската полиција заплени 9,760 килограми висококвалитетна марихуана на граничниот премин Блаце со што е пресечен меѓународен канал на трговија со наркотична дрога од Косово преку Македонија до западноевропските земји.
Запленетата количина на марихуана на нарко пазарот во западноевропските земји на големо би достигнала цена од околу 30.000 евра, а на мало околу три пати повеќе.Како што соопшти во неделата МВР, станува збор за продолжување на повеќемесечна истрага во која минатата недела беше пресечен транспорт на наркотична дрога на ГП „Делчево“, при што беа запленети 138,936 кг наркотична дрога-марихуана.По повеќемесечна истрага раководена од надлежен Јавен обвинител за гонење на организиран криминал и корупција во петокот во 13.00 часот на влез во Р. Македонија на ГП „Блаце“ извршен е претрес и преглед на возило “BMW“, управувано од лицето Ф.Б (37) од Скопје.При претресот на задните седишта (потпирачите на истите) како и под задниот браник беа пронајдени вкупно 13 пакувања со НН растителна материја со зелена боја со вкупна тежина од 9,760 килограми, сите обвиткани со алуминиумска фолија и со прозирна селотејп лента.Според документираните сознанија лицето М.Т (22), инаку веќе притворен по минатонеделната акција во која беа запленети речиси 140 килограми марихуана, во средината на минатиот месец организирал илегален транспорт на наркотична дрога – марихуана во количина од 9,760 килограми, од Косово во .Македонија, и истата требало да биде транспортирана кон западновропсите земји, за што го ангажирал Ф.Б како транспортер на дрогата.Поднесена е кривична пријава против лицата М.Т (22) од Велес и Ф.Б (37) од Скопје, поради постоење на основано сомнение дека сториле кривично дело- “неовластено производство и пуштање во промет на наркотични дроги, психотропни супстанции и прекурзори”. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Гевгеличанец со стаклена чаша повредил две жени

Маж од Гевгелија физички нападнал две жени пред шестгодишно дете. Според информациите од гевгелиското Обвинителство, осомничениот со стаклена чаша ги повредил жените, украл пари и мобилен телефон и избегал.
Нападот се случил на петти овој месец кога осомничениот околу 20.30 часот, во домот на повредените во Гевгелија, по вербална расправија, физички ги нападнал. Кога ги повредил, украл 200 евра и мобилен телефон. Осомничениот излегол од станот и почнал да бега, а на скалите во зградата физички нападнал уште едно лице.
Против него е поведена постапка за три кривични дела – насилство, телесна повреда и самовластие. Против осомничениот се водела постапка и за други кривични дела и од судот му биле определени мерки на претпазливост, и тоа забрана за напуштање живеалиште, обврска да се јавува на овластено службено лице и привремено одземање патна исправа. Поради тоа што не ги почитувал мерките, по предлог на јавен обвинител, судот му определи притвор од осум дена.
Црна хроника
Истрага против скопјанец кој криел марихуана во дворот на сосетката

Јавен обвинител од Основното јавно обвинителство Скопје донесе наредба за спроведување истражна постапка против 27-годишен скопјанец поради основано сомнение дека сторил кривично дело неовластено производство и пуштање во промет наркотични дроги.
Според информациите, осомничениот неовластено, заради продажба, држел марихуана, со вкупна нето-маса од 1.512,2 грама. Дрогата била спакувана во три полиетиленски пакувања завиткани со транспарентна фолија, а осомничениот ги чувал скриени во дворот на својата сосетка во Ѓорче Петров. Извршувајќи работи во дворот, сосетката ја пронашла дрогата и една дигитална вага со остатоци од марихуана.
Со оглед на тоа што постојат околности кои укажуваат на опасност осомничениот да се даде во бегство или да го повтори кривичното дело, надлежниот јавен обвинител до судијата на претходна постапка од Основниот кривичен суд Скопје достави и предлог за определување мерка притвор.
Црна хроника
Драма во Арачиново: Дваесет и двегодишник ја грабнал неговата малолетна девојка од дома

Шестнаесетгодишна девојка била насилно однесена од нејзиниот дом, од страна на нејзиниот 22 годишен дечко од Арачиново.
Случајот во полицијата во Арачиново, синоќа го пријавила мајката на девојката.
Од МВР велат дека се преземаат мерки за расчистување на случајот.
- Топ3 месеци
Газда полеан со бензин, а неговиот џип запален во Кисела Вода
- Забава3 месеци
Дошла на преглед поради постојан замор, а докторите ѝ рекле дека ќе умре за 72 часа
- Култура3 месеци
„Болка и слава“ на Алмодовар го отвора фестивалот „Браќа Манаки“, кинематограферот Алкаине гостин во Битола
- Книги2 месеци
Промоција на „Небо во кафез“ од Д.А. Лори
- Црна хроника2 месеци
Се урна тераса во Скопје – повредени татко и неговите три малолетни деца
- Hitech3 месеци
(Видео) Возач и совозач во „тесла“ спијат додека автомобилот вози со 100 на час
- Култура1 месец
Десет најчести прашања и одговори за програмата „Креативна Европа медиа“ на „Синедејс“
- Црна хроника3 месеци
Деветнаесетгодишник со автомобил удрил во девојче во Кавадарци