Црна хроника
Тирана: Дедо Мразовци ограбиле златарница

Четири лица во традиционални костуми на Дедо Мраз ограбиле златарница во центарот на Тирана, објави портпаролот на албанското министерство за внатрешни работи Флорио Сериани, пренесува AFP.
Со оружјето, кое им било сокриено под облеката, им се заканиле на сопственикот и неговата сопруга кои не пружале отпор. За кратко време ја наполниле вреќата со накит и скапоцени часовници и побегнале со мерцедес, кој неколку минути бил пронајден запален на два километри од местото настанот.Во канта за отпад во трговскиот центар во кој бил извршен грабежот пронајдени се две автоматски пушки.Сличен случај е забележан и во Призрен на југот на соседното Косово, каде во четвртокот наутро три вооружени лица во костуми на Дедо Мраз неуспешно се обиделе да ограбат златарница. Тие пукале и го раниле сопственикот и уште едно лице, пренесуваа албанските медиуми. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.