Црна хроника
Двајца загинати во пад на цесна врз куќа во САД

Две лица загинаа во пад на мал авион во американскиот град Фресно, во сојузната држава Калифорнија, пишува во петокот The Los Angeles Times.
Како што изјавил портпаролот на Федералната управа за цивилно воздухопловство на САД, Јан Грегор, малиот авион од типот „Cessna 172“ паднал на само 250 метри од пистата на аеродромот „Чендлер Екзекутив“.
Авионот закачил во дрво, а потоа паднал во дворот на куќа. Двете лица во авионот, пилотот и деветгодишно момченце, негов роднина, загинале во несреќата.
„Слушнав удар, а потоа одеднаш изби пламен“, изјави за весникот очевидец на инцидентот.
Точната причина за падот на авионот сé уште не е утврдена, а од Федералната управа за цивилно воздухопловство на САД соопштиле дека заедно со Националната комисија за безбедност при транспортот започнале истрага./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.