Црна хроника
Две кражби во Тетовско – пленот вреден 16 000 евра

Ноќеска на територијата на Тетово ограбени се два објекти при што арамиите си заминале со богат плен. Од куќата на Х.К. (37) во Мала Речица биле украдени 11 илјади евра кои сопственикот ги чувал во најлонско ќесе, а додека пак домот на С.Т. (41) од Камењане бил олеснет за околу 300 илјади денари.
Во првиот случај кражбата се случила некаде помеѓу 23 и 30 часот и два часот по полноќ, додека кражбата во Камењане во периодот помеѓу 19 и 20 часот. И во двата случаи арамиите извршиле детален претрес во домовите по што го откриле пленот и со полни раце го напуштиле местото.
Двата случаи се пријавени во полиција.
„Надлежните по направениот увид подигнаа траги за вештачење и преземаат мерки за откривање на сторителите“, соопштуваат од СВР Тетово./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.