Црна хроника
Мртов маж во тоалетот на скопски ГТЦ

Министерството за внатрешни работи во петокот навечер потврди дека доцна попладнето по 18 часот во тоалетот во Градскиот трговски центар во Скопје било пронајдено тело на починат маж.
Засега нема информации за идентитетот, ниту за возраста на починатиот, но се наведува дека на неговото тело првично не се откриени траги на насилство. Од МВР додаваат дека во текот на утрешниот ден ќе следува пошироко соопштение за случајот, откако ќе бидат познати резултатите од обдукцијата од Судска медицина каде што е предадено телото на починатиот.
Како што претходно објавија медиумите, околу 18 часот во службата за Брза помош било пријавено дека мртов маж лежи во тоалетот на ГТЦ, чијашто екипа можела да констатира само смрт./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Поради несреќа, сообраќајот на експресниот пат Штип е во прекин

Поради сообраќајна незгода од 08:10 часот сообраќајот на експресниот пат Штип, после с.Лакавица е во прекин, соопштија од АМСМ.
Како што додаваат од АМСМ, сообраќајот ќе се пренасочува по магистрален пат А4, Штип – Радовиш.
Топ
Најмалку 50 загинати во пожар во дискотека во Кочани

Најмалку 50 лица се загинати во дискотека во Кочани во која ноќеска избувнал пожар за време на концерт на позната група.
Според неофицијалните информации, пожарот избувнал околу 3 часот, поради употреба на пиротехнички средства на концертот на кој присуствувале околу 1.500 луѓе.
Повредените се префрлени во болниците во Кочани и Штип.
На Клиника за хируршки болести „Наум Охридски“ во Скопје досега има донесено 27 повредени.
Над 100 млади луѓе се повредени, според првичните информации на екипите на Дирекцијата за заштита и спасување и Центарот за управување со кризи.
Сите надлежни служби, вклучително и јавен обвинител од Основното јавно обвинителство Кочани се на терен.
„Бројот на жртви и повредени се утврдува. Се уште се преземаат дејствија и се врши увид. Јавниот обвинител на Република Северна Македонија, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување“, соопштија од Јавното обвинителство.
Црна хроника
Итна интервенција во Мавровско Езеро: две лица се држат за превртен чамец, струја ги носи кон хидроцентралата

Преку единствен број за итни повици 112 во 12.37 часот на ден 15.03.2025 година од страна од случаен минувач добиена е информација за превртен чамец со две лица во Мавровско Езеро. Лицата во моментот се држат за чамецот и самата струја ги носи кон хидроцентралата, информира директорот на ЦУК, Стојанче Ангелов.
„Од наша страна веднаш е стапено во контакт со Диспчерски центар на ЕЛЕМ и со директорот на ХЕЦ Маврово и известен сум дека немаат исправен чамец. Известено е одговорното лице од Ренџерска служба од Национален парк Маврово и од истите известен сум дека имаат чамец и поради силниот ветер во Мавровското езеро има бранови и луѓето не се специјализирани за спасување во води и претставува потенцијална опасност да ги загрози и своите вработени. Во истиот момент преку РЦУК Тетово известени се ПС Маврово, ДЗС Гостивар, Општина Маврово и Национален Парк Маврово ренцерска служба. Испратено е барање до ДЗС за ангажирање на чамец и специјализиран тим за спасување во води. Исто така од наша страна изпратено е барање на МВР за нивна проценка и ангажирање на специјален тим со чамец или хеликоптер се со цел да се спасат двет лица во Мавровското езеро. Известен е директотор на ХЕЦ Маврово привремено да го запре производството на електрична енергија како би се избегнале струите во изерото. Од страна на Раководителот на СОК сум известен дека ќе биде ангажиран хеликоптер со лица од спцијална единица (Тигри), а чамецот ќе биде обезбеден од страна на одговорнот о лице од Ренџерите во Националниот парк Маврово. Во тек е координативната акција за спасување на двете лица во превртениот чамец“, стои во информацијата од првиот човек на ЦУК, Ангелов.