Црна хроника
Зајакната полициска контрола, казнети 30 пешаци и повеќе возачи

Полицијата, во изминатите 24 часа, казни 30 пешаци бидејќи не поминувале на обележан пешачки премин, поминување на црвено светло и непочитување на светлосни сигнали.
Потоа, кај четири лица е утврдено дека дека истите управувале возила под дејство на алкохол, осум лица управувале возила со измината важност на сообраќајната дозвола, без возачка дозвола управувале шестмина возачи, кај седумина е утврден сообраќаен прекршок за поминување на црвено светло.
Покрај ова, 27 возачи управувале возила со брзина над дозволената, изречени се три прекршоци за некористење на сигурносен појас, 10 прекршоци за зборување на мобилен телефон, 11 прекршоци за паркирање во зона на крстосница, автобуска постојка и пешачки премин, додека пак 68 прекршоци се евидентирани за неправилно и непрописно паркирање, а еден прекршок за возач кој не отстапил првенство на минување на пешаци. Исто така со пајак возило подигнати се 93 возила.
Иста ваква акциска контрола во текот на минатото деноноќие беше спроведена и на подрачјето на СВР Велес, односно во градовите Велес, Кавадарци и Неготино, при што проверени беа 213 возила и возачи. Во рамки на контролата 42 возила се упатени на технички преглед 16 возила беа исклучени од сообраќај како и шест возачи кои управувале возила без возачка дозвола. Исто така наедно беа издадени 19 покани за глоба како 29 платни налози по основ на различни сообраќајни прекршоци.
И на подрачјето на СВР Струмица (Струмица, Валандово, Радовиш) вчера беше спроведена акциска сообраќајна контрола на 207 возила при што 59 возачи се санкционирани по разни основи, односно сторени сообраќајни прекршоци, а во рамки на оваа бројка издадени се 34 платни налози за наплата на глоба и 25 покани за наплата на глоба. Исто така поднесени се 29 барања за поведување прекршочна постапка согласно сообраќајните норми и прописи. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Швеѓанец за да избегне ќотек останал без маица на Широк Сокак

Во четвртокот околу 19:50 часот, во СВР Битола, С.Х.Д. (32) од Шведска, кој моментално престојува во Дебар, пријавил напад на улицата Широк Сокак во Битола.
Според пријавителот, на него му пристапиле неколку непознати лица на возраст околу 20 години, кои се обиделе да му ја соблечат маицата со исцртани симболи на друга држава.
Како што информира МВР, откако увидел дека не може да се одбрани, С.Х.Д. ја соблекол маицата и им ја предал на напаѓачите, кои потоа заминале во непознат правец.
„Се вршат проверки за настанот и се преземаат мерки за пронаоѓање на сторителите“, наведуваат од МВР.
Црна хроника
Истурил течност и запалил „лaнд ровер“, утрово гореше возило во Куманово

Рано утрово луксузен „ланд ровер“ беше опожарен на улицата Моша Пијаде во Куманово.
Настанот бил пријавен во СВР Куманово на 30 август 2025 година, околу 05:10 часот, од лицето Б.Ц. Пожарот бил забележан на возилото сопственост на А.Г., кое веднаш било гаснато со помош на сопственикот и негов сосед, спречувајќи поголема катастрофа.
По насоки на дежурен јавен обвинител, увид извршила увидна екипа на ОКТУПА при СВР Куманово. Констатирано е дека станува збор за подметнат пожар. Засега непознат сторител со непозната течност го испрскал возилото на повеќе места, ја запалил и потоа успеал да побегне без да биде забележан.
Од полицијата информираат дека е причинета материјална штета во износ од околу 120.000 денари, а истрагата е во тек.
Црна хроника
17-годишник и 15-годишник со сила ограбиле доставувач, му го украле ранецот со пратки

Полицијата во Скопје спречи грабеж извршен од двајца тинејџери, кои нападнале доставувач и му го украле ранецот со пратки.
На 29 август 2025 година, околу 18:20 часот, полициски службеници од СВР Скопје ги лишиле од слобода 17-годишен и 15-годишен малолетник, двајцата од скопско.
Според информациите, истиот ден околу 16:40 часот, малолетниците со употреба на физичка сила го нападнале 23-годишниот У.Д. од Скопје, кој во моментот извршувал работни задачи како доставувач на пратки. Тие му го одзеле ранецот со пратки, по што се обиделе да избегаат.
Брзата реакција на полицијата довела до нивно пронаоѓање и приведување во Визбегово. По целосното документирање на случајот, против нив ќе биде поднесен соодветен поднесок.