Црна хроника
Полицаец од Штип продавал нелегални огревни дрва

Полициски службеник од Штип со закани и злоупотреба на службената должност продавал дрва при што се стекнал со противправна материјална корист од 448 илјади денари, соопштуваат од Министерството за внатрешни работи.
Г.П. (39) заработи кривична пријава за сторено кривично дело „злоупотреба на службена положба и овластување“ откако претходно бил пријавен дека во периодот од 2009 до мај 2011 година со закани во повеќе наврати на И.С. од село Калаузлија му продал 100 метри нелегално сечени огревни дрва за цена од 2.000 денари по метар кубен.
Пријавениот во 2013 година во соработка со лица од село Радање организирал дотур, транспорт и превоз на нелегални огревни дрва до купувачите за цена од 1.500 до 2.000 денари за метар кубен, а пет метри кубни огревни дрва им продал и на две лица од село Радање по цена од 2.000 денари за метар кубен./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.