МВР до надлежното ОЈО Скопје со кривична пријава го предаде лицето М.Ѓ.(23) од Скопје поради основано сомнение за сторени кривични дела – „разбојништво“ и „тешка кражба на дрзок начин“.

Имено, кривичното дело – „дрска кражба“ пријавениот го извршил на 29 јануари околу 15:50 часот, кога на улица во населба Кисела Вода, од женско лице насилно и од зад грб и ја грабнал чантата во која имало два мобилни телефони и лични документи/предмети и избегал.

Во наредните денови го извршил и кривичното дело „разбојништво“, исто така на улица во населба Кисела Вода, каде на женско лице осомничениот и се приближил од зад грб и се заканил со нож кој и го ставил под грлото, ја клекнал на колена и со сила и ја одземал чантата во која имало пари, мобилен телефон и лични документи/предмети по што избегал. Меѓутоа, при извршување на кривичното дело бил забележан од страна на случајни минувачи кои успеале да го совладаат, да му го одземат ножот, да го задржат и да го предадат на полициски службеници.

Со пријавениот, во ПСОН „Кисела Вода“ во присуство на ЈО, од страна на оштетените и сведоците извршено е непосредно-класично препознавање, кои со сигурност го препознале и го посочиле како сторител на наведените кривични дела. Инаку, М.Ѓ. е регистриран прекршител на јавниот ред и мир, а во периодот од 2006 до 2011 година истиот е кривично пријавен за две кривични дела „тешка кражба“ за што од надлежен суд му е изречена мерка „засилен надзор од родител“./крај/мф