Црна хроника
Албански полицајци учествувале во шверц на оружје наменето за Косово

Во Албанија е откриена шест члена шверцерска банда на оружје и муниција, составена од вработени во албанското МВР и полицајци.
Албанското МВР информира дека внатрешната контрола успеала да ги фати на дело членовите на групата во моментот кога тие пренесувале поголеми количества оружје и муниција од Албанија кон Косово, кај тунелот Калимаш на патот Тирана – Кукс, граничен премин кон Косово.
Уапсени се Фадил Сула, инспектор во МВР во регионалниот центар во Кукс, за кого се тврди дека бил главниот организатор. Исто така уапсени се и Луан Ѓици, Хамди Матја, Лоренц Зили, Абедин Плаку и Еријон Зиско. Во акцијата се запленети огнено оружје и муниција.
Податоците говорат дека само од еден магазин биле украдени и прошверцувани над 100 илјади парчиња муниција./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Разоткриена мрежа на шверцери – купувале цигари на фришоп во Грција и ги пренесувале со цистерна со нафта

Царинска управа преку Секторот за контрола и истраги, откри и спречи криминална шема поврзана со шверц на цигари. Против пет лица, меѓу кои еден возач и еден сопственик на транспортна компанија, до Основното јавно обвинителство поднесена е кривична пријава за сторени кривични дела: криумчарење и прикривање стоки кои се предмет на криумчарење и царинска измама.
Во моментот кога првоосомничениот, возач на транспортна компанија, се обидел да направи примопредавање на цигарите во количина од 171 штека за што требало да му бидат исплатени кеш средства од 3.735 евра од нарачател на делото, истите се приведени од мобилен царински тим, а цигарите и девизите се запленети.
По преземени предистражни дејствија од Одделението за истраги, при што извршени се и претреси на домовите како и форензичка анализа на мобилните уреди на сторителите, поднесена е кривична пријава.
Истрагата покажа дека организираната мрежа на повеќе наврати го повторува делото – штеки цигари се купувани од грчки фри шоп и истите без да се пријават и за нив да се платат давачки, нелегално се внесувале во државата. Делото го вршат преку користење на товарно моторно возило – цистерна натоварена со нафта.
Црна хроника
Во дворот си засадил марихуана висока и до три метри – притвор за жител на Богданци

Жител на селото Стојаково, општина Богданци, заврши во притвор откако полицијата во неговиот двор пронајде мини-плантажа со марихуана.
Како што информираа од полицијата, на на 4 август, по судска наредба, бил извршен претрес во домот и дворното место на 65-годишниот Т.К.
Од таму, како што наведуваат, биле пронајдени дури 56 стебла марихуана, некои со висина до 2,80 метри, како и поголема количина суви растителни остатоци, семки од канабис, дробилка и други предмети со траги од марихуана.
Осомничениот бил приведен и задржан во Полициската станица во Гевгелија, по што бил изведен пред судија од Основниот суд Гевгелија, кој му одредил мерка притвор.
Црна хроника
Претрес во Скопје, запленети речиси 100 грама кокаин

Во рамки на континуираните полициски активности за сузбивање и откривање на кривични дела од областа на недозволената трговија со дрога, денеска (05.08.) во 01:00 часот од страна на полициски службеници од Единицата за недозволена трговија при СВР Скопје, по претходно добиена Судска наредба за претрес, извршен е претрес на дом на лицето Е.Е. (41).
Притоа полициските службеници открија и запленија една кеса со околу 100 грами прашкаста материја – кокаин, чија што вредност се проценува на околу 10.000 евра.
Лицето е уапсено во Полициската станица од општа надлежност Бит Пазар каде што е задржан за понатамошна постапка.
По целосно документирање на случајот против истиот ќе следи соодветна пријава.