Црна хроника
Туристичка агенција од Скопје продавала лажни аранжмани за Банско

Сопственичка на туристичка агенција од Скопје продавала лажни хотелски аранжмани за зимување во Банско, Бугарија при што оштетила пет лица за околу 1.800 евра, соопшти Министерството за внатрешни работи.
На 31 октомври и на 6 декември, минатата година, лицата Ј.К., С.С., С.Ѓ., Ј.М. и И.Д. отишле во туристичка агенција „Тсц Аир Травел” во Скопје, со намера да уплатат шест, односно четири дневен туристички аранжман во хотел „Лаки” во Банско, Бугарија, за нив и членовите на нивните семејства.
Во агенцијата, А.М. (41) се претставила како сопственик и им понудила аранжмани во наведениот хотел за сума од 16.000 до 48.546 денари, во зависност од нивните потреби и бројот на лицата. Откако ги прифатиле понудените услови, таа им издала „пријави/договори за патување” потпишани од нејзина страна и заверени со печат од агенцијата, а воедно се договориле на нејзин телефонски повик повторно да дојдат и да извршат уплата на предвидените парични средства.
По извесен период, ги повикала и им кажала да извршат уплата на предвидените парични средства за туристичките аранжмани кои ги договориле и откако ги уплатиле им издала фискални сметки и „ваучери” за хотелско сместување во наведениот хотел и тоа за шестдневни аранжмани на лицето Ј.К. за уплата на 22.097 денари, лицето С.С. за уплата во два наврати во износ од 48.546 денари, лицето С.Ѓ. за уплата на 34.685 денари, Ј.М. за уплата на 17.484 денари која уплата ја извршил нејзиниот пријател С.Ѓ. и за четиридневен аранжман на И.Д. за уплата на 14.731 денари и уплата за повратна карта за превоз во износ од 4.675 денари.
На 13.01.2014 год., лицата отишле во туристичката агенција со намера да проверат дали е потврдена резервацијата при што пријавената А.М. ги убедувала дека аранжманот е платен преку „П-Груп” од Пловдив, Бугарија, и притоа на оштетениот Ј.К. му издала нов ваучер под ист број и дата за наводно полуксузни услуги, под изговор дека агенцијата го чести. Пред да заминат од агенцијата, оштетените лица од „газдарицата” А.М. го побарале факсот од хотелот, за што таа видно се вознемирила и повикала обезбедување од агенцијата со цел да интервенираат и да ги отстранат од објектот, при што истите на мирен начин го напуштиле објектот, а таа ги убедувала дека се е платено и дека се ќе биде во ред.
Следниот ден, оштетените со сопствен превоз отишле во Банско и кога во хотелот ги приложиле ваучерите рецепционерката им кажала дека за тие аранжмани, од „Тсц аир Травел” од Скопје имало уплатено за два дена престој и доколку сакаат да останат повеќе, ќе мора поединечно за секое лице да доплатат дополнителен износ во зависност од аранжманот, инаку во спротивно нема да им бидат издадени соби. Тогаш, истите увиделе дека се измамени и за да не се враќаат веднаш, одлучиле да ја извршат доплатата, за што од страна на хотелот им биле издадени фактури, при што Ј.К. доплатил дополнителен износ од 272 евра, С.С. 537 евра, С.Ѓ. 436, Ј.М. 272 евра и И.Д. 136 евра.
По ова, оштетените дополнително се информирале дека „Тсц аир Травел” од 14.01.2013 година е затворена, при што на вратата од објектот пишувало дека се на „колективен одмор”, а додека пријавената воопшто не се јавувала на телефонски повици. На 22.01.2014 година, во СВР Скопје од страна на сите оштетени лица се поднесени кривични пријави, против А.М. под сомнение за сторени кривични дела „измама”, со што ги оштетила за вкупен износ од 111.789 денари или околу 1.800 евра.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична против полицаец од Интервентна поради поткуп

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција Скопје, во соработка со Одделот за сузбивање на организиран и сериозен криминал при МВР поднесе кривична пријава против А.Б. на работно место виш полицаец во Единица за интервентна полиција при СВР Скопје, поради постоење основи на сомнение дека сторил кривично дело „давање поткуп“ по член 358 став 1 од КЗ.
Според документираните сознанија, пријавениот во текот на февруари и март годинава посредувал кај друг полициски службеник вработен на ГП Долно Блаце, односно понудил и дал поткуп со цел полицискиот службеник да не ја изврши својата службена должност, односно да не евидентира влез во државава на македонски државјанин на ГП Долно Блаце, така што од негова страна евидентиран е турски државјанин. Пријавениот е лишен од слобода и задржан во полициска станица, а од страна на Основниот кривичен суд Скопје изречена му е мерка претпазливост и забрана за вршење на дејност. Воедно ОВККИПС против А.Б. ќе поднесе и предлог за поведување на постапка за кршење на работниот ред и дисциплина.
Црна хроника
25-годишник од Велес со тешки повреди пренесен во болница: управувајќи мопед, паднал на коловозот

Вчера во 22:15 часот во СВР Велес е пријавено дека на улицата „Васил Ѓоргов“ во Велес, 25-годишниот К.П. од Велес управувајќи мопед со скопски регистарски ознаки, паднал на коловозот.
Во несреќата со тешки телесни повреди се здобил К.П., констатирани во Општата болница Велес. Извршен бил увид од СВР Велес.
Црна хроника
При градежни активности на имот во Кисела Вода била оштетена цевка од гасовод, при што имало истекување гас

Вчера во 11:37 часот во СВР Скопје било пријавено дека при ископ и вршење градежни активности на имот на правно лице на булеварот „Борис Трајковски“, на подрачје на Кисела Вода во Скопје, била оштетена цевка од гасовод, при што имало истекување на гас.
Полициски службеници од ЕВР Кисела Вода и инспектор за животна средина излегле на местото и било констатирано дека од страна на фирмата „Нома гас“ биле исклучени вентилите и појасниле дека на местото нема присуство на гас.
Увид бил извршен и по целосно документирање на случајот, ќе биде поднесена пријава по член 291 од Кривичниот законик – „уништување или оштетување на јавни инсталации“.