Црна хроника
Откриено оружје во автомеханичарски сервис во Сарај

Големо количество оружје и муниција пронашла полицијата во автомеханичарски сервис и куќа во Сарај, соопшти во четврток Министерката за внатрешни работи, Гордана Јанкулоска.
„Денес, по добиени оперативни сознанија дека 34-годишно лице од Сарај држи поголема количина оружје и муниција и обезбедена добиена наредба од страна на судија на претходна постапка, Одделот за сузбивање на организиран и сериозен криминал, изврши претрес во неговиот дом и во автомеханичарски сервис ‘Веби Коч’ кој е исто така во негова сопственост”, рече Јанкулоска.
При претресот, додаде министерката, биле пронајдени и одземени: пушка, пиштол, рамки за автоматска пушка, рамки за пиштол, еден тромблонски додаток, држачи за куршуми и куршуми.
Одземените предмети ќе бидат предадени на вештачење во Оддел за криминалистичко-технички испитувања и вештачења, а до Основното Јавно Обвинителство – Скопје, ќе биде поднесена кривична пријава против лицето поради постоење на основано сомнение дека сторил кривично дело “недозволено држење на оружје или распрскувачки материи”. крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.