Во средата Единица за недозволена трговија со оружје при скопската полиција поднела кривична пријава против 37-годишен жител на селото Арнакија, заради постоење на основано сомневање дека сторил кривично дело „Недозволено изработување, држење и трговија со оружје и распрскувачки материи”.

Имено, полициските службеници од Единицата, работејќи по оперативно сознание, дошле до податок дека во домот на неговиот татко во селото Арнакија, каде живее и осомничениот И. С., има поголемо количество огнено оружје и муниција, за кои не поседуваат соодветна дозвола.

Имајќи ја во предвид насилната природа на И.С., како и фактот дека против него се поднесени 11 кривични пријави за извршени вкупно 26 кривични дела проследени со насилство и имотни деликти, за што во периодот 1994 до 2009 година му се изречени две мерки засилен надзор, две парични казни и две казни затвор, на 1-ви април годинава Единицата во консултација со Јавен обвинител, а врз основа на наредба од Основен суд 1 Скопје, изврши претрес во нивниот дом во селото Арнакија.

При претресот се пронајдени една автоматска пушка со вграден нож- бајонет, како и една рамка за истата и две рачни бомби, кои се одземени и предадени за криминалистичко техничка обработка./краја/мф/сн