Црна хроника
Приведени четворица осуденици

Скопската полиција, постапувајќи по судска наредба, во изминатите два дена приведе четири лица кои се барале поради издржување на затворски казни.
Лишени од слобода се Селатин С (46), осуден на затворска казна од пет години, за кривично дело “запуштање и малтретирање на малолетно лице”, Златко К.(48), осуден на казна затвор во траење од една година, за кривично дело “тешка кражба, Дарко М.(29), осуден на затворска казна од една година и шест месеци поради „неовластено производство и пуштање во промет на наркотични дроги“ и Асан Џ(29), осуден на затворска казна во траење од педесет дена, за сторено кривично дело“загрозување на безбедноста на сообраќајот.Уапсените лица биле спроведени во најблиските полициски станици заради понатамошна постапка. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.