Црна хроника
Царината минатата недела заплени златен накит, девизи, цигари, очила, фалсификати…
Во текот на минатата недела и викендот, царинските службеници открија повеќе обиди за криумчарење стока, при што привремено се задржани златен накит, девизи, цигари, рачен и електричен алат, брусна хартија, електроинсталациони материјали, делови од индустриски машини, авто стакла, мобилни телефони, очила со диоптер и фалсификати.
На скопскиот аеродром Александар Велики, при контрола на багажот на македонска државјанка која допатувала со лет од Загреб биле откриени 18 парчиња златен накит со вкупна маса од 690 грама (синџири, нараквици со циркони и лири, прстени, ѓердани, обетки и брошеви). Накитот е пронајден во една кутија и еден несесер, сместени во рачната ташна на патничката.
При детален преглед на патничко моторно возило со грчки регистарски таблички, управувано од албански државјанин, пријавено за влез во државата на граничниот премин Богородица биле откриени 21.200 евра.
Во преградата за лични работи на возилото, царинските службеници откриле 31.200 евра, од кои 10.000 евра, износ што може слободно да се внесе во државата, му се вратени на патникот.
На граничниот премин Блаце, при контрола на патничко возило со косовски регистарски таблички, управувано од косовски државјанин, пријавено за влез во државата биле откриени 7.000 евра. Во внатрешен џеб од јакна, сместена во багажниот простор на возилото, цариниците пронашле плик со 17.000 евра, од кои 10.000 евра му се вратени на патникот.
На скопскиот аеродром Александар Велики, при личен претрес на македонски државјанин, кој пристигнал со лет од Швајцарија, биле пронајдени 20.000 швајцарски франци, од кои 12.000 франци – противвредност на 10.000 евра му се вратени./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.