Црна хроника
Обид за вооружен грабеж во менувачница во Струга

Маскиран и вооружен разбојник во среда влегол во менувачница во Струга со намера да ја ограби, но откако вработената повикала помош тој почнал да бега и набргу бил уапсен, соопшти Министерството за внатрешни работи.
Стружанецот И.Л. (25), маскиран и вооружен со пиштол во среда влегол во менувачницата „К-Виса” во Струга при што со закана над вработената започнал да зема пари од сефот и касата. Вработената на висок тон повикала помош поради што И.Л. почнал да бега при што бил совладан, а потоа и приведен.
При претрес во неговиот дом, полицијата пронашла една рачна бомба, пиштол сопственост на неговиот татко и рамка со пет куршуми.
ПС Струга поднесе кривична пријава против И.Л. поради постоење основи на сомнение за сторени казнени дела „разбојништво”, и „недозволено изработување, држење и тргување со оружје или распрскувачки материи”, а Основниот суд Струга на му одреди мерка притвор во траење од 30 дена.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.
Црна хроника
Приведено лице од скопско поради управување возило под дејство на алкохол

Вчера во 19.00 часот во Делчево, полициски службеници од ОВР Делчево го лишиле од слобода 47-годишниот О.Ј. од село Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.