Црна хроника
Скопјанец сакал да поткупи сообраќаец за да не му пише казна

Дваесет ишестгодишен скопјанец се обидел да поткупи полицаец за да не му пише казна за сообраќаен прекршок.
СВР Скопје поднесе кривична пријава против С.Р.(26) од Скопје, заради постоење на основано сомнение дека сторил кривично дело „давање поткуп”.
Имено, на 07.04.2014 година, додека полициски службеник извршувал службени дејствија на ул.„Јустинијан Први”, забележал возило „опел вектра” кое се движело со поголема брзина, поради што истото го запрел. Притоа, од возачот ги побарал потребните документи, а воедно забележал дека истиот не го имал ставено сигурносниот појас, а возилото имало фолии на стаклата за кои по проверката во сообраќајната дозвола утврдил дека нема забелешка дека истите се атестирани.
За сторениот прекршок полицискиот службеник изготвил Записник за сторен сообраќаен прекршок и регистрирање на негативни бодови, но пријавениот не сакал да ги потпише и му предложил да се сретнат и да пијат кафе заедно, по што од паричникот извадил 200 денари во апоени од по 100 денари, и му ги ставил во десниот џеп од ветровката, велејќи му да ја искине пријавата.
Веднаш по ова пријавениот бил лишен од слобода и доведен во ПС ОН Драчево. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Кривични пријави против две лица и една фирма за пожарот на депонијата во Шуто Оризари

Полицијата поднесе кривична пријава против двајца велешани и едно правно лице поради пожарот во нелегален отпад во Шуто Оризари
Единицата за економски и компјутерски криминал при СВР Скопје до ОЈО Скопје поднесе кривична пријава против М.К.(40) и А.Н.(46), двајцата од Велес и правно лице со седиште во Шуто Оризари поради основано сомнение за сторено кривично дело „загрозување на животната средина и природата со отпад“.
Тие во временски период од најмалку шест месеци, заклучно со 09.07.2025 на парцели во општина Шуто Оризари во сопственост на М.К. постапиле спротивно на законските одредби и без да поседуваат дозвола за управување на отпад на предметните парцели складирале и транспортирале отпаден материјал, а на 09.07.2025 околу 08.45 часот складираниот отпад се запалил и бил предизвикан неконтролиран пожар.
Од страна на Единицата за атомска, биолошка и хемиска одбрана на Армијата на РСМ извршени се мерења и утврдено е зголемено ниво на загаденост од горењето на складираниот отпад.
Црна хроника
Кривична пријава за штипјанец – отрул две кучиња, а едно усмртил со автомобил

Полицијата поднесе кривична пријава за штипјанец – отрул две кучиња, а едно усмртил со автомобил.
Според информациите на МВР, полицијата поднесе кривична пријава против С.К.(72) од Штип поради постоење основи на сомнение за сторени кривични дела „убивање и мачење животни“.
На 14.04.2025 во с. Долно Трогерци, штипско, пријавениот во два наврати фрлил храна со отров, од што биле отруени две кучиња во сопственост на Т.С..
Исто така, на 06.07.2025 пријавениот, со патничко возило усмртил куче.
Црна хроника
Откриен незаконски лов на белвици во Охридското Езеро

Синоќа во периодот од 02.00 до 04.00 часот, полициските службеници од Полициската станица за граничен надзор „Охридско Езеро“, извршија засилени контроли во водите на Охридското Езеро со цел спречување на незаконит риболов.
Притоа, на подрачје на Струга и струшкото село Калишта, пронајдоа две „висечки мрежи“ со должина од околу 400 метри, кои се најстрого забранети за лов на риба, со улов од 157 парчиња риба белвица, со вкупна тежина од 22 килограми.
Мрежите и уловот се подигнати од водите на езерото и донесени во полициската станица за понатамошна постапка.