Црна хроника
Над пет тони дрога од Албанија откриени во Германија

Германската полиција во сојузната држава Баварија открила и разбила група на нарко-шверцери од Албанија кои преку камиони за транспорт на квалитетен камен -мермер внеле 5,6 тони дрога со потекло од Албанија.
Албанските медиуми јавија во саботата дека дрогата од типот марихуана редовно со месеци се внесувала на ист начин и покрај контролите на германската царина, бидејќи начинот на криење бил мошне професионален. Засега во извештаите нема поединости за овој случај.
Во акцијата се притворени осуммина членови на нарко-бандата на возраст од 30 до 48 години, пренесуваат истите извори./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ограбени девојки во Струмица и Штип

Денеска во 02.15 часот во СВР Струмица, А.П.Д.(42) од Струмица пријавил дека околу 01.00 часот во Струмица, неговата малолетна ќеркабила физички нападната од едно машко лице, кое ѝ ја одзело чантата. Полицијата соопшти дека се преземаат мерки за расчистување на случајот.
Вчера во 13.15 часот во СВР Штип, Б.Л.(74) од Штип пријавил дека околу 12.00 часот во Штип, едно машко лице со употреба на физилка сила од неговата малолетна ќерка одзело пари.
Според надлежните, се преземаат мерки за расчистување на случајот.
Црна хроника
Избодени малолетници на Бит Пазар

Денеска во 01.40 часот во СВР Скопје, Б.А.(38) од Скопје пријавил дека на 10.06.2025 околу 22.50 часот на подрачјето на Бит Пазар, неговиот малолетен син бил физички нападнат од неколку малолетници, кои ги познавал, од кои едниот од нив употребил остар предмет и му нанел повреда.
Според пријавеното, подоцна малолетниците им упатувале закани на двајцата, при што истиот малолетник нанел повреда со остар предмет и на Б.А..
Се преземаат мерки за расчистување на случајот.
Црна хроника
Скопјанка измамена за сума од над 200.000 денари: и кажале дека ќерка и прегазила дете во странство

Вчера во 14.30 часот во СВР Скопје, 88-годишна жена од Скопје пријавила дека истиот ден била измамена од едно лице за сума од околу 232.000 денари.
Според пријавеното, машко лице ѝ се јавило телефонски и ѝ кажало дека нејзината ќерка предизвикала сообраќајна несреќа во странска земја во која прегазила дете и доколку не сака таа да лежи во затвор требало да плати. Како што е пријавено, тие се договориле, по што таа му ги дала парите. Се преземаат мерки за расчистување на случајот.