Црна хроника
Нови рации во тетовските и гостиварски локали во продолжени на 'Канџа'
Во доцните попладневни и вечерни часови во петокот тимови на Министерството за внатрешни работи и Управата за јавни приходи (УЈП), во Тетово и Гостивар ја продолжија акцијата „Канџа”повторно резултираше со затворање десетици објекти и повеќе прекршочни и кривични пријави.
Со контролата биле опфатени 17 објекти, од кои 12 на подрачјето на Тетово, како „Германија”, „Типико”, „Журнал” и повеќе обложувалници без име, и пет на подрачјето на Гостивар – „Еуро Шанса”, „Германија” и другите нерегистрирани, поради сомненија зе незаконско организирање игри на среќа, соопшти МВР во саботата.
За реализирање на акцијата биле ангажирани поголем број полициски службеници од различни организациони единици, како и службени лица од Управата за јавни приходи.
Целта на спроведената акциска контрола, како и претходната, е откривање лица кои вршат дејност од Законот за игри на среќа и за забавните игри без лиценци, како и откривање на други кривични дела и прекршоци.
При рацијата било утврдено дека контролираните објекти во Тетово и Гостивар работат незаконски, односно не поседуваат лиценци за работа. Во 13 објекти од страна на УЈП се констатирани 12 кривични дела по чл.156, осум прекршоци по чл.158 и два прекршока по чл.151 од Законот за игри на среќа и за забавните игри. На сите каде беа констатирани неправилности им беа издадени решенија за забрана на вршење на дејност. Во акцијата легитимирани се 47 лица, приведено е едно лице заради утврдување на идентитет, а еден малолетник е предаден во СВР Тетово. Во рамките на контролата беа одземени 114.875 денари и 230 евра, 37 телевизори, 27 монитори, 21 компјутер, 21 печатачи, 10 апарати за игри на среќа, седум куќишта за компјутер, три процесори, два ресивери, две покер маси и еден читач.
Контролите беа успешно реализирани, без посериозни инциденти, освен во еден случај каде при контрола на објект во тетовското село .Речица дојде до собирање на група од околу 20 граѓани кои насилно ги истуркале членовите на тимот надвор од објектот поради што контролата не била целосно спроведена. Имено, во спортска обложувалница без име на фирма, сопственост на жител од селото Мала Речица кај Тетово, додека службени лица на УЈП составувале Записник за констатирана состојба, во објектот влегле повеќе лица, кои почнале да им се закануваат, а притоа на инспекторот насилно му бил одземен Записникот и другите документи, при што биле расфрлани на подот. Во исто време, на улицата која оди до објектот била поставена блокада со паркирање на автомобил „пасат” и автомобил „БМВ”, а се собрале и поголема група граѓани. По кратко време, од страна на полициски службеници блокадата е отстранета и лицата се разотишле. Во консултација со Јавното обвинителство, по целосно документирање на случајот, против лицата ќе биде поднесена соодветна пријава во редовна постапка.
Вчерашната контрола беше продолжение на февруарската акција „Канџа” во која кај 12 спортски обложувалници од страна на Управата за јавни приходи беа констатирани прекршоци и кривични дела од Законот за игри на среќа и за забавните игри, а исто така беа издадени решенија за забрана на вршење на дејност. Тогаш беа легитимирани 122 лица, а при легитимирањето пронајдени се две лица по кои се трагало по распишана потерница. Одземени беа 263.453 денари и 440 евра, 55 телевизори и други апарати кои служеле за приредување игри на среќа./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Со возилото удрил во заштитна ограда а возел со 1,98 промили алкохол во крвта: уапсен кичевец
Вчера во 18:25 часот на магистралниот пат Охрид-Кичево, кај месноста „Копачка“, полициски службеници од ОВР Кичево го лишија од слобода О.М.(63) од Кичево.
Претходно, тој со патничко возило „пежо“ со кичевски регистарски ознаки, кое го управувал, излетал од патот и удрил во заштитна ограда, а при преземање мерки во врска со незгодата е констатирано дека е под дејство на алкохол, односно измерени му се 1,98 промили алкохол во крвта.
По целосно документирање на случаите против нив ќе бидат поднесени пријави по член 297-а од Кривичниот законик – „безобѕирно управување со моторно возило“, информира МВР.
Црна хроника
Кривична против поранешниот градоначалник на Демир Капија и за ексдиректорот на „Бошава“: ќе одговараат за загадување на животната средина и природата
ОВР Неготино, до Основното јавно обвинителство Кавадарци, поднесе кривична пријава против Л.П.(42) од Демир Капија, П.Ј.(50) од Неготино, против општина Демир Капија и јавно претпријатие за комунални работи „Бошава“ од Демир Капија поради постоење основи за сомнение дека сториле кривично дело „загадување на животната средина и природата“ по член 218 од Кривичниот законик.
Во периодот од јуни до октомври 2025 година, Л.П. во својство на поранешен градоначалник на општина Демир Капија и П.Ј., во својство на поранешен директор на јавното претпријатие за комунални работи „Бошава“, овозможиле инсталирање на несоодветна електрична и водоводна мрежа на претходно избушен бунар за вода за пиење во село Прждево, демиркаписко, без да поседуваат документација за техничка исправност на бунарот. Во наведениот период во повеќе наврати овозможиле дотур на водата до резервоарот за вода за пиење и со тоа ги занемариле законските обврски и дозволиле бунарот да биде слободно достапен на жителите на село Прждево, со што придонеле за настанување на состојба на контаминација на водата за пиење, која била закана по здравјето на околу 120 жители на селото.
Црна хроника
Тепачка на паркинг-простор во скопски Аеродром
Денеска околу 02:25 часот во СВР Скопје, Ј.Ј.(42) од Пробиштип пријави дека на паркинг простор на подрачјето на општина Аеродром во Скопје, по претходна расправија, бил физички нападнат од О.А.(37) од Скопје.
По целосно документирање на случајот, ќе следува соодветен поднесок, соопшти полицијата.

