Црна хроника
Дошол на гости кај тетка му и починал

Маж на возраст од 46 години, дошол на гости кај тетка му пред две недели, но во неделата утрото починал.
Имено, лекар од домашна посета пријавил дека, во неделата околу 10 часот на линијата 194 им се јавило непознато лице и пријавило дека во стан на бул. „Видое Смилески Бато“ има починато лице.
Од страна на екипа од Итна медицинска помош било излезено на местото на настанот каде од страна на лекар во 10.05 часот била констатирана смрт на Д.Ц.(46). Полициски службеници излегле на местото на настанот, каде бил извршен разговор со Љ.К. (72), со стан на наведената адреса, тетка на Д.Ц.
Притоа, било констатирано дека истиот пред две недели дошол да престојува кај неа.
Откако во 08.40 часот почнал да му ѕвони алармот од телефонот, таа се обидела да го разбуди, но забележала дека не давал знаци на живот, по што веднаш повикала Брза помош.
За настанот известен бил и Јавен обвинител, по чија наредба телото на починатиот е предадено на семејството за погреб./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Возач загина на експресниот пат Прилеп-Градско – удрил во ограда, па уште еден камион излетал од патот

Тешка несреќа по која животот го загуби 42-годишен маж од Крива Паланка се случи синоќа околу 22.30 часот на експресниот пат Прилеп-Градско, пред приклучокот за автопатот Неготино-Велес.
Од МВР информираа дека животот го загубил А.Ѓ. кој управувајќи товарно возило „рено мастер“ излетал од коловозот и удрил во заштитна ограда. Тој првично бил пренесен во велешкта болница со тешки повреди, каде околу четири часа подоцна починал.
На погрешно место и во погрешно време се нашол и М.В.(44) од селото Трубарево, скопско, кој управувал товарно возило „ман“. Во обид да го избегне „реното“, излетал од коловозот и удрил во метална ограда. Во моментот нема информација дали вториот возач се здобил со повреди.
По наредба на Јавен обвинител телото на починатиот е предадено во Судската медицина на обдукција. Извршен бил увид.
Топ
Познат идентитетот на загинатите кај Момин Поток: 47-годишен маж и 32-годишна скојанка го загубија животот во несреќата

Четирисет и седумгодишниот С.И. и неговата 32-годишна сопатничка А.Н. се загинатите во тешката сообраќајна несреќа што се случи вчера помеѓу булеварите Никола Карев и 8 Септември во Скопје.
Мопедот на којшто се превезувале, според информациите од МВР, излетал од коловозот и удрил во бетонски столб. Двајцата загинале на лице место.
Извршен е увид, а телата се на обдукција.
Црна хроника
Семејно насилство во Охрид – скопјанец ја нападнал партнерката, охриѓанец кршел по дома

СВР Охрид информира за два случаи на семејно насилство што се случиле во текот на вчерашниот ден.
На 23.05.2025 во 10.20 часот во СВР Охрид е пријавено дека Д.Д.(42) од Скопје физички ја нападнал неговата невенчана сопруга од Охрид. По целосно документирање на случајот, против него ќе биде поднесена соодветна пријава.
На 23.05.2024 во 19.15 часот, полициски службеници од СВР Охрид го лишија од слобода Ј.А.(35) од Охрид, постапувајќи по претходна пријава дека во семејниот дом агресивно се однесувал кон членовите на семејството и оштетил дел од покуќнината. По целосно документирање на случајот, против него ќе биде поднесена соодветна пријава.