Црна хроника
Автомобил се излизга на патот Куманово – Крива Паланка, едно лице лесно повредено
Автомобил „рено трафик“ утрово околу 6 часот се излизгало на регионалниот пат Куманово – Крива Паланка, кај селото Псача, општина Ранковце, и удрило во комбе „пежо боксер“.
Сообраќајката се случила најверојатно поради неисчистениот снег на патот, а во моментот на несреќата сé уште веел снег со послаб интензитет. Дваесет идеветгодишен скопјанец којшто го управувал „реното“ со унгарски регистерски таблички загубил контрола над возилото, преминал на левата лента од патот и удрил во комбето кое го управувал триесет и етгодишен возач од Крива Паланка.Возачот на комбето бил примен во здравствениот дом во Крива Паланка, каде му биле констатирани лесни телесни повреди и бил пуштен на домашно лекување./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж од Јегуновце извршил насилство врз деца за време на час
Шеесет и петгодишен маж од општина Јегуновце се сомничи дека извршил насилство врз две деца за време на училишен час.
Инцидентот, според полицијата, се случил во образовна установа во село во општина Камењане.
СВР Тетово поднесе кривична пријава против Ќ.А. (65) поради постоење основи на сомнение за сторено кривично дело „насилство“ врз деца.
„На 19.09.2025 година во образовна установа во село во општина Камењане, за време на одржување на час, пријавениот во неколку наврати насилно се однесувал кон двајца малолетници“, информираат од полицијата.
Црна хроника
Трае увидот на полицијата по сообраќајката на патот Куманово – Крива Паланка
Полицијата сè уште врши увид во сообраќајната несреќа што се случи, утрово на магистралниот пат Куманово – Крива Паланка кај село Ругинце. Во сообраќајната несреќа која се случила околу 8:15 часот учествувале камион и автомобил.
– Денеска околу 8:15 часот во СВР Куманово било пријавено дека на магистралниот пат Куманово – Крива Паланка, кај село Ругинце се случила сообраќајна несреќа помеѓу товарно моторно возило со бугарски национални ознаки и патничко моторно возило со кривопаланечки регистарски ознаки. Увидот е во тек, соопшти полицијата.
Утрово од 8.30 часот магистралниот пат Куманово-Крива Паланка, поради случена сообраќајна несреќа сообраќајот беше во во целосен прекин, а од 09.15 часот се одвива со наизменично пропуштање на возилата, информира АМСМ.
Црна хроника
Приведен жител на Таринци, кој искршил инвентар во болницата во Штип по смртта на татко му
Вчера, по полноќ, полициски службеници од Штип го приведоа 29-годишниот Ј.А. од селото Таринци, општина Карбинци, во Клиничката болница во Штип.
Претходно, во болницата бил донесен неговиот татко В.А. (54), кој, и покрај укажаната лекарска помош, починал. Кога Ј.А. пристигнал во установата и бил информиран од медицинскиот персонал дека татко му починал, тој се однесувал агресивно кон персоналот и искршил стакла и делови од болничкиот инвентар, соопшти МВР.
За настанот бил известен јавен обвинител, по чии насоки телото на починатиот е предадено на обдукција.
По целосно документирање на случајот, против Ј.А. ќе биде поднесен соодветен поднесок.

