Црна хроника
Бугари краделе од џебови по автобуси
Двајца бугарски државјани краделе од џебови по автобуси и против нив се поднесени кривични пријави и протерани се од Македонија.
Кражбите ги извршиле на пладне во автобуси во скопските населби Центар и Аеродром и украле околу 4.000 денари и документи. Искористувајќи ја гужвата ја протнувале раката во чантите и краделе паричници и лични документи .По втората кражба се симнале од автобус на автобуската постојка наспроти ТЦ Скопјанка и паричниците ги фрлиле во канта за ѓубре. Ги забележале полицајци кои при проверка во кантите за смет ги пронашле паричниците. Крадците кога сфатиле дека ги виделе полицајци избегале, но набргу биле фатени. Украдените документи и паричници им вратени на граѓаните. Судија на претходна постапка одредена им е мерка една година затвор, условно за 3 години, лицата се протерани и им е забранет влез во Македонија во времетраење од пет години./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.