Еден жител на селото Тработивиште, делчевско, и уште двајца струмичани се пријавени поради „производство и пуштање во промет наркотични дроги, психотропни супстанции и прекурсори“, соопшти во понеделникот Министерството за внатрешни работи.
 

Еден жител на селото Тработивиште, делчевско, и уште двајца струмичани се пријавени поради „производство и пуштање во промет наркотични дроги, психотропни супстанции и прекурсори“, соопшти во понеделникот Министерството за внатрешни работи.

Делчевската полиција ја поднела кривичната пријава против 21-годишниот К.К. од селото Тработивиште, делчевско, откако при извршен претрес во неговиот дом и помошните простории е пронајдено растение канабис сатива, а од преземени мерки е утврдено дека пријавениот во текот на 2014 година во неутврден временски период набавил семки „канабис сатива“ од лице. од Делчево, по што ги засадил во саксија.

Полицијата во Струмица, пак, поднесе кривична пријава против Х.Л. (20) и В.С.(21), двајцата од Струмица, исто така, за сторено кривично дело „неовластено производство и пуштање во промет наркотични дроги, психотропни супстанции и прекурсори“. Според пријавата, првопријавениот во договор со второпријавениот во својата куќа заради продажба држел 11,86 грама марихуана, а кон крајот на септември вториот за сума од 400 денари му продал 3,54 грама марихуана на лице од селото Раборци./крај/мф/мм

Извор: Макфакс