Црна хроника
Директорот на Заводот за рехабилитација „Кочо Рацин“ во Битола незаконски трошел пари

Директорот на Заводот за рехабилитација на деца со оштетен слух во Битола незаконски потрошил околу 11.800 евра, соопшти Министерството за внатрешни работи.
СВР Битола поднесе кривична пријава против П.Г.(67), поранешен директор на Завод за рехабилитација на деца со оштетен слух „Кочо Рацин“ и М.Б.(56) вработен како благајник-архивар, двајцата од Битола поради постоење основи на сомнение за сторени кривични дела „злоупотреба на службената положба и овластување“.
Директорот во периодот од месец март 2009 до месец јули 2011 година во повеќе наврати ненаменски потрошил средства за патни и дневни трошоци во земјата и странство од буџетската сметка на Заводот, додека пак второпријавениот во својство на благајник-архивар му вршел исплата на првопријавениот по приложените налози.
Исто така П.Г. ја злоупотребил својата службена положба и овластување на начин што од сметката на Заводот извршил задолжително осигурување од автоодговорност и извадил зелена карта за приватно возило и дозволил ненаменска исплата на фактура за ноќевање во хотел во Охрид за неговата сопруга.
Вкупната материјална штета која е предизвикана со превземените дејствија и која е нанесена на Завод за рехабилитација на деца со оштетен слух „Кочо Рацин“ изнесува 710.563 денари.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.