Црна хроника
Двајца тешко повредени при судир на камион со автомобил

Двајца жители на штиското село Црник се тешко повредени во сообраќајна несреќа што се случила во саботата во 13.30 часот на регионалниот пат Берово – Делчево, кај местото Балбанци.
Несреќата се случила кога се судриле камион „фиат дукато“ управуван од дваесет и шестгодишен струмичанец и автомобил „фиат пунто“ управуван од четириесет и шестгодишен жител на Црник.
Тешко повредени се возачот на автомобилот и дваесетгодишен сопатник кој е пренесен на Клиника во Скопје. Се работи на целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Пушка, пиштол и куршуми пронајдени во напуштен објект во Чаир

Вчера во 15:54 часот во СВР Скопје, Б.Ѓ. пријави дека на подрачјето на Чаир, во помошен објект на напуштена куќа на нејзината мајка, пронашла автоматска пушка, соопшти полицијата.
Според пријавеното, таа го повикала соседот за да проверат што има друго внатре во помошниот објект, при што дошол синот на соседот, ја турнал Б.Ѓ., ја зел пушката и избегал.
По извршен претрес и дополнителни проверки од страна на полициски службеници, во објектот се пронајдени уште една пушка, пиштол и куршуми.
Се преземаат мерки за расчистување на случајот.
Топ
Полово вознемирувал малолетно девојче: уапсен 75-годишен маж од Тетовско

Вчера во 17:00 часот во СВР Тетово е лишен од слобода З.Б.(75) од тетовско.
Тој се сомничи за сторено кривично дело „полово вознемирување“, а по претходна пријава од 11.08.2025 од страна на 42-годишна жена од тетовско дека З.Б. полово ја вознемирувал нејзината малолетна ќерка.
Од страна на полициски службеници од СВР Тетово по добиена судска наредба, бил извршен претрес во дом и помошни простории на З.Б., при што биле пронајдени и одземени мобилен телефон, лап топ компјутер, ресивер и други предмети.
По целосно расчистување и документирање на случајот, ќе биде поднесен соодветен поднесок.
Црна хроника
Уапсен кумановец, насилно влегувал во цркви и крадел пари

Вчера во 14:45 часот во Куманово, полициски службеници од СВР Куманово го лишиле од слобода 28-годишниот Н.А. од Куманово.
Тој се сомничи дека на 24.08.2025 со употреба на сила влегол во црквата „Св. Троица“ во село Љубодраг, кумановско и одзел пари, додека на 28.08.2025 од црквата „Св. Петка“ во населбата Бедиње во Куманово, со употреба на сила се обидел да одземе пари од касата.
Н.А. бил приведен во полициска станица и во службен разговор ги признал делата.
Одземеното било пронајдено и вратено на сопственикот и по целосно документирање на случајот, против него ќе биде поднесена соодветна пријава.