Полицијата уапси двајца кратци, момче и девојка кои подолго време краделе низ Скопје и украле близу 200.000 денари.

Дваесет и едногодишното момче и деветнаесетгодишната девојка извршиле четири кражби во периодот од јануари до март годинава, провалиле во неколку куќи и еден бутик во подраќјето на скопските населби Карпош и Центар.Една од кражбите ја извршиле додека вратата од куќата не била заклучена, а во другите две куќи со погодел алат делувале меѓу крилото и рамката од влезната врата. Продавницата ја ограбиле кога со тврд подесен предмет  го скинале катанецот од надворешната железна врата а потоа со физичка сила и погоден предмет ја отвориле ПВЦ вратата од бутикот.Претурале низ објектите и украле мобилни телефони, часовници, златен и сребрен накит, телевизор, лап-топ компјутер, паричник со документи, како и поголема количина на гардероба (тренерки) од продавницата. Дел од украдените предмети момчето ги продавало на познати лица, а  останатите ги продал во населба Шуто Оризари и на дивиот пазар на Кале на непознати лица. Дел од пронајдените предмети со подврди се одземени и вратени на оштетените.Против момчето досега се поднесени 16 кривични пријави за кривични дела од областа на имотните деликти и кривични дела против јавниот ред и мир, а против девојката поднесени се 34 кривични пријави сите од областа на имотните деликти.На момчето му е одреден притвор во траење од осуме дена, додека девојката задолжително мора да се јавува во суд секој понеделник./крај/мф