СВР-Скопје поднесе кривична пријава против Љ.Ј.(22) од Скопје, поради постоење основи на сомнение за сторени три кривични дела, од кои две кривични дела „разбојништво“ и едно кривично дело „напад врз службено лице при вршење работи на безбедноста“ и против В.П.(34) исто така од Скопје,  поради постоење основи на сомнение за сторени две кривични дела „разбојништво“ при што се стекнале со противправна имотна корист од околу 15.050 денари. 

Од страна на Судија на претходна постапка на пријаванети одредена им е мерка притвор во траење од по 30 дена.

Првото разбојништво, го извршиле на 28.11. годинава околу 2.30 часот, на крстосницата меѓу ул.„Димо Хаџи Димов“ и ул.„Народни Херои“ поточно во тобако „Томи“, Љ.Ј. со закана по неговиот живот му ги побарал парите на вработениот и во истиот момент го откорнал шалтерското плексиглас стакло, се протнал и ја извлекол фиоката од регистар касата при што го оштетил и стаклото од влезната врата. Откако ја одзеле фиоката од регистар касата во која имало 9.000 денари и три штеки цигари „Бос Класик“, го напуштиле местото на настанот.

Второто разбојништво пријавените го извршиле на во петокот, околу 4.20 часот, на тој начин што откако стигнале на ул. „Филип Втори Македонски“, поточно во Тобако „Екстра Кофи“, додека В.П стоел до тобакото, Љ.Ј. со употреба на физичка сила и удар со нога, го скршил стаклото од влезната врата која била затворена но незаклучена, влегол внатре и на вработената и се заканил да му ги даде парите по што истата одбила. Тој го зел држачот каде што биле наредени кутиите со цигари, ја турнал вработената, излегол од тобакото и заедно со В.П. со трчање се упатиле во правец на паркинг просторот зад тобакото, каде што биле забележани од страна на полициски службеници.

Во истиот момент В.П. бил фатен и приведен, додека Љ.Ј. избегал кон бул.„Кочо Рацин“, каде бил фатен од страна на Единицата Алфа. При обидот да биде легитимиран истиот се оглушил на дадените наредби и почнал да ги омаловажува и навредува полициските службеници, при што во еден момент со нога удрил еден од полициските службеници во пределот на главата. Истиот бил приведен по што бил извршен разговор и со потврда за привремено одземени предмети, од него биле одземени цигарите и држачот за цигари.

Врз основа на судска наредба од Судија на претходна постапка извршен бил претрес во домот на пријавените, при што биле пронајдени предмети кои потекнуваат од кривичното дело разбојништво извршено на крајот од минатиот месец

Инаку, против Љ.Ј. предходно се поднесени четири кривични пријави за извршени четири кривични дела од кои две кривични дела „одземање моторно возило“ и две кривични дела „загрозување на безбедноста на сообраќајот“, додека против В.П. се поднесени три кривични пријави за извршени три кривични дела „фалсификување пари“, „фалсификување исправа“ и „тешка кражба“./крај/со/бб