Црна хроника
Фатени крадци на дрва во прилепско

Полицијата приведе двајца крадци на дрва во прилепското село Ропотово, соопшти Министерството за внатрешни работи.
Настанот се случил во понеделник на крстосницата за село Лажани, кога полицијата се обидела да запре камион кој нелегално превезувал огревни дрва, но била попречувана од автомобил „голф“, со прилепски регистарски ознаки, управуван од С.Е.(35) од село Црнилиште.
„Голфот“ во еден момент удрил во левиот браник на полициското возило по што истото било принудено да го забави движењето, а камионот избегал во непознат правец.
Во тој момент полицискиот службеник пукал во воздух, а потоа и во задното десно тркало на „голфот“, но возачот не застанал при што се упатил по патот за село Кошино каде поради неприлагодена брзина изгубил контрола над возилото и излетал од патот, а потоа бил приведен.
Во полициска станица приведен бил и неговиот брат М.Е.(32).
Полицијата работи на целосно расчистување на случајот по што ќе биде поднесен соодветен поднесок.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Ученик со лисици врзал соучесник во Велес и му вперил пластичен пиштол

Во СВР Велес, од Основното општинско училиште во Велес денеска во 10 часот било пријавено дека малолетен ученик во училиштето врзал со лисици негов соученик и му вперил пластичен пиштол.
Од малолетникот бил одземен пиштолот и бил предаден на полициски службеници.
За настанот бил известен јавен обвинител, Центарот за социјални работи Велес и по целосно документирање на настанот ќе биде поднесен соодветен поднесок, информираат попладнево од СВР Велес.
Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.