Во петокот, по завршувањето на протeстниот собир на градскиот плоштад во Тетово, организиран од Здружението на граѓани „Еко герила“ под мотото „За почист воздух“, група од 200 до 300 учесници, претежно малолетници, се упатиле кон објектот на тетовската локална самоуправа.

Извикувајќи разни пароли, тие почнале да фрлаат со јајца и неколку помали камења, а во два наврати на асфалтираната површина пред општинскиот објект фрлиле и запалени молотови коктели, од кои нема повредени лица и не е предизвикана материјална штета, по што сите се разотишле.

По кратко време во присуство на родител и претставник од Центарот за социјални работи, бил извршен разговор со 13-годишен малолетник поради постоење основи на сомнение дека учествувал во фрлањето на молотовите коктели и по разговорот бил пушен.

Истиот ден околу 19 часот бил приведен М.Е.(33) од Тетово поради постоење основи на сомнение дека протестирајќи пред општинскиот објект во Тетово спречувал полициски службеник во вршење на службено дејствие, односно се обидел да му ја одземе камерата и му ја оштетил, а потоа го навредувал и му се заканувал.

Со истиот е извршен разговор и по целосното расчистување и документирање на случајот ќе следи соодветен поднесок./крај/со/бб