Македонската полиција поднесе кривични пријави против четири лица, од кои двајца се грчки а по еден се српски и македонски државјанин, откако се откриени вкупно 24 илегални имигранти од Авганистан и Сирија.
 

Македонската полиција поднесе кривични пријави против четири лица, од кои двајца се грчки а по еден се српски и македонски државјанин, откако се откриени вкупно 24 илегални имигранти од Авганистан и Сирија.

Министерството за внатрешни работи во четири одвоени случаи кривично пријави двајцата грчки државјани, еден српски државјанин и еден македонски државјанин од село Лојане, кумановско, за постоење сомневање за сторено кривично дело „криумчарење имигранти“, на кои име во меѓувреме изречена мерка 30-дневен притвор. Притоа откриени се 24 илегални имигранти, од кои деветмина од Сирија и 15 од Авганистан.

Во првиот случај 66-годишниот К.К. (66) кој потекнува од грчкиот град Катерини, , на автопатот Куманово – граничен премин Табановце, во правец на селото Лојане бил сопрен од припадници на Мобилната екипа за прекуграничен криминал, а во автомобилот „BMW“ со грчка национална ознака во негова сопственост биле пронајдени тројца илегални имигранти, државјани на Авганистан, без документи за идентификација.

Во вториот случај од страна на полициските службеници од Демир Капија кај тамошните тунели во правец Гевгелија – Скопје, при контрола на „пежо 206“ со српски регистарски ознаки управувано од лицето 34-годишниот М.В. од Ниш, Србија, биле откриени четири лица илегалци од Сирија.

Потоа во третиот случај од страна, припадници, исто така, на полицијата од Демир Капија кај наплатната рампа кај Градско, во правец Гевгелија – Скопје, при контрола на автомобил „голф“со грчки регистарски ознаки управувано од лицето 29-годишниот Г.С. од Солун, во возилото откриеле пет лица илегални имигранти, сите од Сирија.

И во четвртиот случај на влезот во кумановското село Речица, при контрола на возилото „фолксваген шаран“ што го возел 39-годишниот И.А. од Лојане, откриени се 12 лица имигранти од Авганистан./крај/мф

Извор: Макфакс