Во неделата околу 20.10 часот на локалниот пат Штип – село Драгоево се случила сообраќајна незгода во која Е.Д. (50) од Штип, управувајќи „Цитроен Ц5“ со бугарски регистарски ознаки, излетал од патот и се превртел, по што загинал.

Возачот и сопатниците Д.Ѓ. (51) и З.К. (50), двајцата од Штип, со возило на итна медицинска помош биле пренесени во Клиничката болница во Штип. Кај возачот Е.Д. била констатирана смрт, кај З.К. биле констатирани тешки телесни повреди, додека кај Д.Ѓ. констатирани биле телесни повреди. И двајцата се задржани на лекување. Увид на местото на настанот извршиле јавен обвинител и увидна екипа од полицијата во Штип. По наредба на обвинителот над телото на починатиот ќе биде извршена обдукција.Истиот ден, околу 17.50 часот на магистралниот пат Штип – Кочани се случила друга  сообраќајна незгода во која „Цитроен Ц4“ со кочански регистарски ознаки, управувано од И.Г. (63) од Кочани, излетало од патот. Во незгодата со тешки телесни повреди се здобил И.Г., на кого му е укажана лекарска помош во болницата во Кочани  и е задржан на лекување. Увид на местото на настанот извршила екипа од полицијата во Кочани./крај/со/бб