Црна хроника
Кичевец го убил братот и ја ранил снаата
Кичевец кој имал упат за психичко лекување во установа, во средата попладне го убил својот брат и ја ранил неговата снаа со нож.
Четириесет идвегодишниот жител на кичевското село Другово во средата околу 16 часот го забележал неговиот брат и снаата на плоштадот во Кичево. Им се приближил од зад грб и извадил нож и го прободел четири години постариот брат во пределот на вратот и лицето. Потоа, со ножот ја нападнал и снаата нанесувајќи и неколку убоди во левото рамо. Братот им подлегнал на повредите, а снаата успеала да се спаси. Напаѓачот веднаш избегал, но набргу бил најден скриен во куќа во Кичево и веднаш бил приведен.Напаѓачот имал нарушено психичко здравје и нервна раздразнетост. Во 2007 година Основниот суд од Кичево му изрекол мерка упатување во установа за лекување. Против него е поднесена кривична пријава за „убиство“ и „убиство во обид“, а ножот и други предмети најдени на лице место се однесени на вештачење./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Струмичани украле 160 вреќи компир од камион
Полицијата сомничи четири лица од Струмица дека ноќта меѓу 28 и 29 ноември од паркиран камион „мерцедес“ со тетовски регистарски ознаки, сопственост на К.С. од село Горна Речица, украле 160 вреќи со компир, соопштија попладнево од СВР Струмица.
Во сопштението се наведува дека полициски службеници од СВР Струмица ги лишиле од слобода Ј.А.(40), М.А.(34) и Р.Д.(31), сите од Струмица.
– Во просториите на СВР Струмица бил повикан и И.А.(38) од Струмица, кој исто така се сомничи дека заедно со Ј.А., М.А. и Р.Д. го сториле делото. Со сите лица се извршени службени разговори, истите го признале делото, по што од Ј.А. и М.А. биле одземени 160 вреќи со компир, кој ги одзеле при вршење на кражбата и истите се вратени на сопственикот,стои во полициското соопштение.
Се додава дека за настанот е запознаен јавен обвинител од ОЈО Струмица, а по документирање на случајот против лицата ќе биде поднесена соодветна пријава.
Црна хроника
Маж од Јегуновце извршил насилство врз деца за време на час
Шеесет и петгодишен маж од општина Јегуновце се сомничи дека извршил насилство врз две деца за време на училишен час.
Инцидентот, според полицијата, се случил во образовна установа во село во општина Камењане.
СВР Тетово поднесе кривична пријава против Ќ.А. (65) поради постоење основи на сомнение за сторено кривично дело „насилство“ врз деца.
„На 19.09.2025 година во образовна установа во село во општина Камењане, за време на одржување на час, пријавениот во неколку наврати насилно се однесувал кон двајца малолетници“, информираат од полицијата.
Црна хроника
Трае увидот на полицијата по сообраќајката на патот Куманово – Крива Паланка
Полицијата сè уште врши увид во сообраќајната несреќа што се случи, утрово на магистралниот пат Куманово – Крива Паланка кај село Ругинце. Во сообраќајната несреќа која се случила околу 8:15 часот учествувале камион и автомобил.
– Денеска околу 8:15 часот во СВР Куманово било пријавено дека на магистралниот пат Куманово – Крива Паланка, кај село Ругинце се случила сообраќајна несреќа помеѓу товарно моторно возило со бугарски национални ознаки и патничко моторно возило со кривопаланечки регистарски ознаки. Увидот е во тек, соопшти полицијата.
Утрово од 8.30 часот магистралниот пат Куманово-Крива Паланка, поради случена сообраќајна несреќа сообраќајот беше во во целосен прекин, а од 09.15 часот се одвива со наизменично пропуштање на возилата, информира АМСМ.

