СВР-Скопје поднесе кривична пријава против Х.С.(38) од Скопје поради основано сомнение дека извршил четири кривични дела: две кривични дела„разбојништва“ и  две кривични дела ,,разбојништва во обид“.

Х.С. е познат сторител на кривични дела од областа на имотните деликти („кражби, „тешки кражби“ и „разбојништва“) за што од страна на СВР Скопје му биле поднесени 13 кривични пријави.

Инаку Х.С. во времето кога ги извршил овие кривични дела бил пуштен на викенд од затвор од Штип каде издржувал казна.

Кривичните дела пријавениот ги извршил во временскиот период од 10/11.01.2016  година и тоа две на подрачје на Центар и две на подрачје на Бит Пазар при што се стекнал со противправна имотна корист од околу  26.280 денари.

Првото кривично дело го извршил на 10.01.2016 година околу 18.30 часот на бул.„Партизански Одреди“ поточно во ТЦ Буњаковец во аптека на тој начин што пријавениот откако влегол во аптеката со шприц кој го носел во рака и се заканил на оштетената дека ќе го употреби и дека ќе ја зарази со сида ако не му даде пари, по што истата исплашена за својот живот му кажала дека парите се во каса, а Х.С. ја отворил касата ги одзел парите и таблети вијагра и го напуштил местото на настанот.

Останатите три кривични дела ги извршил на 11.01.2016 година во времето од 15,00 до 18,00 часот. Истиот откако влегол во бутик со огнено оружје–пиштол и се заканил на продавачката, по што дошол позади работното биро ги отворил фиоките и без ништо да одземе  го напуштил местото на настанот.

Потоа се упатил на ул.„1737“ поточно во биро за судски преводи и откако влегол со огнено оружје–пиштол му се заканил на сопственикот и неговата сопруга по што од работното биро одзел мобилни телефони и ташна и го напуштил местото на настанот.

Четвртото кривично дело „разбојништво во обид“ го извршил околу 18,45 часот на бул. „Крсте Мисирков“ во продавница за текстил на тој начин што што истиот откако влегол во продавницата со закана со огнено оружје -пиштол и се заканил на оштетената, по што истата излегла надвор и почнала да вика за помош, а пријавениот без ништо да одземе го напуштил местото на настанот.

Непосредно по извршувањето на ова кривично откако оштетената  побарала помош, две лица кои се наоѓале во непосредна близина  го забележале Х.С. и се упатиле кон него, а  истовремено случајот го пријавиле во полиција .

Од страна на полициски службеници било излезено на местото на настанот по што  откако го забележале Х.С во возило го легитимирале, а потоа извршиле преглед при што кај истиот бил пронајден пластичен пиштол–запалка и шал кои ги користел при извршување на кривичните дела како и други предмети кои потекнуваат од кривичните дела кои ги извршил истиот ден по што бил приведен во ПС ОН Бит Пазар.

Во просториите на полициската станица од страна на оштетените било извршено  препознавање на лице при што сите оштетени го препознале пријавениот како сторител на кривичните дела./крај/мф/ап/