Од страна на Секторот за компјутерски криминал и дигитална форензика до ОЈО Скопје е поднесена кривична пријава против 19 годишно лице од Скопје, за сторено кривично дело – „производство и дистрибуција на детска порнографија“, кој во текот на месец ноември 2014 година, преку неговиот лаптоп компјутер набавил детска порнографија во форма на фотографии и видео запис, при што истата ја зачувал на локалниот диск на неговиот компјутерот, соопштуваат од МВР.
 

Од страна на Секторот за компјутерски криминал и дигитална форензика до ОЈО Скопје е поднесена кривична пријава против 19 годишно лице од Скопје, за сторено кривично дело – „производство и дистрибуција на детска порнографија“, кој во текот на месец ноември 2014 година, преку неговиот лаптоп компјутер набавил детска порнографија во форма на фотографии и видео запис, при што истата ја зачувал на локалниот диск на неговиот компјутерот, соопштуваат од МВР.

Имено, на 22-ри јануари, постапувајќи по Наредба за претрес на дом и други простории издадена од Основен суд Скопје 1 Скопје, извршен е претрес во домот на неговиот татко при што се пронајдени предмети кои потекнуваат од кривично дело или преку кои што е сторено делото и тоа преносен лаптоп компјутер марка „DELL“. Со цел да се утврди содржината на мемориските медиуми издадена е Наредба од Јавен обвинител од Основно Јавно Обвинителство Скопје за анализа.

По извршената анализа на одземениот лаптоп компјутер пронајдени се две видеа како и 16 фотографии со содржина од детска порнографија. Едно од видеата е превземено на ден 14-ти ноевмри минатата година при меѓусебна скајп комуникација со скајп профил кој користел ИП адреса со локација во Софија, Бугарија, а како примач е скајп профилот на пријавениот со профил „goran.verushevski“ кој во тој момент користел ИП адреса со локација во Солун, за време на неговиот престој во Грција каде е на студии.

Со горенаведените постапки и обезбедени докази пријавениот се товари дека го сторил кривичното дело „Производство и дистрибуција на детска порнографија“. Во моментот лицето не е достапно на органите на прогонот, а МВР на РМ ќе преземе мерки за негово обезбедување, како и  размена на информации со МВР на Бугарија и Интерпол за целосно расчистување на случајот./крај/мф/бс