Црна хроника
Кривична за лихвар од Гостивар

Гостиварската полиција, во вторникот, поднесе кривична пријава против Б.И. (45) од Гостивар, поради постоење основи на сомнение за сторени кривични дела ,,лихварство“ и ,,изнуда“.
Осомничениот во периодот од 2005 до 2014 година на име „услуга и давање на заем на парични средства со камата“ на лицето Ј.И. од село Балиндол, гостиварско му дал парични средства во висина од 2.500 евра во 2005 година, 500 евра во 2013 година и 1.000 евра во 2014 година.
Пријавениот, искористувајќи ја лекомисленоста и тешката имотна состојба на Ј.И., договорил камати од 20% месечно.
Така, за наведениот период на име камати и услуги го оштетил Ј.И. за вкупна сума од 12.000 евра, односно околу 738.000 денари.
Б.И. му ги изнудувал средствата со упатување на сериозни закани по неговиот и по животот на членовите од потесното семејство по телефон. крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.