Министерството за внатрешни работи информираше во неделата дека поднело кривични пријави за два одделни случаи кои се однесуваат на визниот режим, едниот за криумчарење триесетина имигранти од Авганистан, а вториот за поттикнување македонски државјани да бараат азил во Германија.
 

Министерството за внатрешни работи информираше во неделата дека поднело кривични пријави за два одделни случаи кои се однесуваат на визниот режим, едниот за криумчарење триесетина имигранти од Авганистан, а вториот за поттикнување македонски државјани да бараат азил во Германија.

Републичкиот центар за граничен режим „Југ“ до надлежното Основно јавно обвинителство поднело кривична пријава за сторено кривично дело „криумчарење мигранти“ по член 418-б ст.4 од Кривичниот законик на Република Македонија против 38 годишниот Н.К. од Гостивар, кому судија за претходна постапка му изрекол мерка притвор во траење од 30 дена.

Пријавениот минатата недела прифатил и превезувал лица со илегален влез и престој во Mакедонија, односно илегални имигранти од клучката кај селото Марвинци на автопатот во правец Гевгелија –С копје до близина на Неготино, со намера да ги превезе до Куманово. Од страна на полициски службеници од Неготино на автопатот во правец кај бензинската пумпа на „Макпетрол“ бил запрен сомнителен камион „мерцедес бенц“со скопски регистарски ознаки, а во сопственост на скопјанец кој го управувал гостиварецот при што биле откриени 29 лица илегални имигранти.

Во разговор со имигрантите, сите од Авганистан, констатирано било дека тие нелегално влегле на македонска територија од Грција, минатата сабота во близина на преминот „„Богородица“ и оти имале намера преку Македонија да се префрлат во Србија, а натаму кон западноевропските земји, односно земјите од ЕУ.

Истовремено во втор одвоен случај полицијата од Виница поднесе кривична пријава против лицата двајца струмичани, 40–годишник идентификуван со иницијалите М.М. и 37-годишниот Т.С., за сторено кривично дело „злоупотреба на безвизниот режим со државите членки на Европската унија и на Шенгенскиот договор“.

Според сознанието на полицијата, двајцата за сума од 2.550 евра го поттикнале и организирале патувањето на единаесет државјани на Македонија од Виница. Со две патнички возила „фолксваген пасат“ управувани од второпријавениот и засега непознато лице од Струмица, тие ги изнеле лицата од Република Македонија, а потоа преку Грција, Бугарија, Србија и Унгарија го продолжиле патувањето до Германија каде македонските државјани побарале азил./крај/мф/сн

Извор: Макфакс