Црна хроника
Кривични пријави за кумановскиот градоначалник – проширена
Кумановската полиција поднесе во средата две кривична пријава против градоначалникот на Куманово, Зоран Дамјановски, за злоупотреба на службена положба и овластување, за незаконско пуштање на крстосница на којашто животот го загубиле три лица, а во другиот случај дозволил да биде узурпирано државно земјиште.
Според кривичната пријава за крстосницата, градоначалникот во ноември 2008 година спротивно на Законот за градење и Законот за јавни патишта ја пуштил во употреба реконструираната крстосница во Куманово меѓу булевар „Трета македонска ударна бригада“, булевар „Октомвриска револуција“ и улицата „Бранко Богдански – Гуцман“, иако знаел и бил должен да знае дека за истото дејствие потребна е употребна дозвола.Раководителката на Секторот за урбанизам Л.Л.С. побарала одобрение за техничка документација во врска со сообраќајните знаци и сообраќајната сигнализација од МВР, додека раководителката на Секторот за инспекциски надзор В.Л. не побарала вработување за општинскиот инспектор за јавни патишта, ниту, пак, работните задачи за наведеното работно место ги доделила на некој друг од нејзиниот сектор.Од периодот на неофицијалното пуштање во употреба на крстосницата до денес се имаат случено 31 сообраќајна незгода во кои три лица го загубиле животот, шест лица се здобиле со тешки телесни повреди, 26 се здобиле со телесни повреди, а вкупната причинета материјална штета изнесува 1.455.000 денари.За другото кривично дело Дамјановски е третосомничен, а првоосомничена е овластениот градежен инспектор во општина Куманово, а второосомничена е раководителката на Секторот за урбанизам.Првопријавената постапувајќи по пријава за узурпација на државен имот при вршење инспекцискиот надзор пропуштила должен надзор при вршење на своите овластувања. Иако забележала и знаела дека повеќе лица, сопственици на имоти на улица „Веселин Вујовски“ од Куманово имаат узурпирано државно земјиште на коешто изградиле цврсти градби, не извршила надзор кај сите нив, туку само кај лицето М.А. од Куманово.За него изготвила записник и решение за отстранување на градбата само кај него, за што донела и заклучок за извршување. Исто така, за наведеното лице првопријавената поднела и кривична пријава за сторено кривично дело „узурпација на недвижност“, а на сите останати лица кои узурпирале државно земјиште им овозможила и понатаму да го користат причинувајќи штета на државата. Второпријавената, иако била запознаена и свесна за погоренаведената состојба, не презела никакви мерки за административното извршување на наведените правосилни и извршни акти со што му овозможила на лицето М.А., како и на сите други лица, и понатаму да го користат узурпираниот имот, а притоа изготвила службени исправи кои ги заверила со свој потпис и печат во кои внела невистинити податоци дека наводно до СВР Куманово поднела барање за асистенција за спроведување на правосилните акти употребувајќи ги истите како вистинити. Третопријавениот, не постапил по решението од управниот инспектор од Куманово со што бил лично задолжен да преземе мерки и дејствија и да ги изврши горенаведените правосилни и извршни акти со што му овозможил на М.А., како и останатите лица, и понатаму да го користат узурпираниот имот на штета на Р. Македонија.
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.