Црна хроника
Кривични за двајца крадци кои ограбувале кафеани
СВР-Скопје поднесе кривична пријава до надлежното обвинителство против Д.Е.(21) и К.С.(21) и двајцата од Скопје поради основано сомнение дека извршиле три кривични дела „тешки кражби“ и при тоа се стекнале со противправна имотна корист од околу 267.000 денари.
На првопријавениот од страна на судија на претходна постапка одредена му е мерка притвор во траење од осум дена. Кривичните дела пријавените ги извршиле во временскиот период од 30.06. до 20.07. годинава на подрачје на Центар.
Првото кривично дело го извршиле на булевар ,,Мајка Тереза“ во гостилницата „Кај Гурман“, на тој начин што откако се увериле дека нема да бидат забележани од никого, првопријавениот со употреба на погоден алат насилно го скршил стаклото од лизгачката шалтерска врата и со посегање на раката ја отворил вратата од шалтерот влегол внатре, извршил пребарување и претурање во кујната и другиот простор каде што пронашол и украл еден телевизор, плински боци, плинско решо и околу 1000 денари, а додека второпријавениот чувал стража, по што не забележани од никого го напуштиле местото на настанот.
Второто кривично дело го извршиле на улица ,,Васил Главинов“ во кафе бар ,,Гарсон“ , на тој начин што се приближиле до влезната врата и со насилно кршење на термопан излог стаклото направиле отвор, влегле во објектот каде што извршиле претурање и пребарување во шанкот каде пронашле и украле неколку шишиња со разни алкохолни пијалоци, два звучника и други предмети.
Третото кривично дело го извршиле на булевар „Св.Климент Охридски“ во „Скопски Фенери“ на тој начин што се приближиле до оградата, ја прескокнале и со погоден предмет првопријавениот делувал помеѓу крилото и рамката од еден прозорец, го отворил и влегол внатре каде извршил претурање и пребарување по што пронашол и украл поголема количина на алкохолни пијалоци, кафе, парични средства како и еден паричник со пари и документи, додека второпријавениот чувал стража.
На 16.09.2016 во просториите на ПС ОН Центар извршен е службен разговор со првопријавениот Д.Е., а додека по К.С. се трага.
Инаку против пријавените и во претходен период се поднесени кривични пријави и тоа против Д.Е. поднесени се 20 кривични пријави во Свети Николе, Струга, Велес, Охрид и Скопје од областа на имотните деликти, а додека против К.С. во претходен период поднесени се 13 кривични пријави во Крива Паланка, Охрид и Скопје од областа против половата слобода и половиот морал, кривични дела против животната средина, кривични дела против имотот и кривични дела против безбедноста на сообраќајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тинејџер нападнат во училишен двор во Влае по расправија на социјална мрежа
По претходно недоразбирање на социјална мрежа, 14-годишно момче било физички нападнато од друг малолетник во дворот на основно училиште во скопската населба Влае.
Инцидентот се случил на 21 јануари, околу 12 часот, а нападот го пријавил таткото на оштетениот, Ш.Ч. (39) од Скопје, еден ден подоцна во Полициската станица Карпош.
Според пријавата, неговиот син се здобил со повреди.
Од МВР информираат дека се преземаат мерки за расчистување на случајот.
Црна хроника
Излегол од автобус и му предал пакет со јод, приведени двајца на бензинска пумпа кај Куманово
Двајца мажи се приведени откако биле фатени при примопредавање на сомнителен пакет со јод, без соодветна документација, на паркинг од бензинска пумпа на автопатот Куманово–Скопје.
Како што информира МВР, на 22 јануари 2026 година, околу 03:10 часот, полициски службеници од Мобилната единица за компензаторни мерки при Одделот за гранични работи и миграции во БЈБ ги лишиле од слобода Б.К. (40) од Турција и А.Д. (56) од село Слупчане, општина Липково.
Според информациите, Б.К., кој патувал со автобус од Турција кон Косово, извадил пакет од автобусот и го предал на А.Д., кој го чекал со патничко возило „Цитроен Ц5“ со кумановски регистарски ознаки. По предавањето на пакетот, А.Д. бил веднаш сопрен и контролиран од полицијата. Во неговото возило, во пакетот, бил пронајден јод без соодветна документација, материја за чие внесување, чување и продавање е потребна посебна лиценца од Министерството за здравство.
Двајцата мажи се задржани во полициска станица, а по целосно документирање на случајот, против нив ќе бидат поднесени соодветни пријави.
Црна хроника
Малолетник ограбен со закани на игралиште во Центар – едниот од напаѓачите бил вооружен со остар предмет
На игралиште во центарот на Скопје, тројца напаѓачи ограбиле малолетник кој бил во друштво со двајца другари.
Едниот од сторителите, според пријавата, се заканувал со остар предмет.
Инцидентот го пријавил таткото на оштетениот, а според неговата пријава, од син му со закани биле одземени пари.
Од МВР информираат дека се преземаат мерки за расчистување на случајот.

