Секторот за внатрешни работи Охрид, поднесе во петокот кривична пријава против две лица од кои едно е малолетно лице, поради тоа што се осомничени дека во охридска населба извршиле две тешки кражби.

Против малолетникот и 18-годишникот идентификуван со иницијалите Б.Ч. од кичевското село Брждани е поднесена кривична пријава поради постоење основи на сомнение дека заедно сториле две казнени дела „Тешка кражба“. 

Двајцата, од две куќи на улицата „Париска комуна“ во Охрид одзеле вкупно 400 евра, 300 американски долари, 2.000 српски динари, мобилен телефон, алкохолни пијалоци и еден детски велосипед. 

Пријавените, во текот на март годинава преку кров од соседна барака со физичка сила успеале да го скршат таванот и да направат отвор преку кој влегле во куќата. Откако извршиле пребарување насилно ја отвориле металната врата од приземјето од каде ги одзеле алкохолните пијалоци и велосипедот. 

На 22 -ри септември, пријавените со употреба на физичка сила насилно ја отвориле двокрилна влезна врата од куќа на истата улица. Извршиле пребарување низ собите и под кревет од спалната соба пронашле и одзеле  400 евра, 300 американски долари, 2.000 српски динари и еден мобилен телефон. 

Пријавените со извршените казнени дела вкупно се стекнале со противправна имотна корист од 45 илјади денари./крај/мф/сн

Извор: Макфакс