Сириски мигрант бил ранет во четвртокот вечерта еден час по полноќ во скопското село Студеничани, кога пет лица облечени во маскирни униформи ја пресретнале групата мигранти, ги нападнале и ограбиле.

Им украле 335 евра, 8.000 денари и два мобилни телефона, а за време на грабежот еден од разбојниците употребил и огнено оружје. Во пукањето повреден е еден мигрант во левата надколеница. Групата, составена од 18 мигранти успеале да го совладаат напаѓачот, му го одзеле оружјето и го предале во полициската станица во Студеничани.Повредениот сириски државјанин со возило на итна медицинска помош бил пренесен во Ургентниот центар во Скопје, каде му се констатирани телесни повреди и е задржан на понатамошно лекување. Против дваесетгодишниот осомничен кој пукал, по брза постапка ќе биде поднесена соодветна кривична пријава додека, пак, по останатите лица интензивно се трага./крај/мф