Двајца мотоциклисти и еден пешак се повредени во сообраќајни несреќи што се случиле во средата во Битола, Прилеп и Штип.

Сообраќајката во Битола се случила во средата околу 18.45 часот на улица „Партизанска“. Дваесет и петгодишен битолчанец управувајќи мотор „Јамаха“ изгубил контрола и паднал на коловозот. Мотоциклистот се здобил со скршеница на десна клучна коска и по укажаната лекарска помош во Клиничка болница Битола, е пуштен на домашно лекување. Увид на местото на настанот извршила екипа од СВР-Битола.Моторот бил  со охридски регистерски таблици во сопственост на охриѓанец. Осумдесет и едногодишен пешак бил прегазен во средата попладне на крстосницата „Марксова“ и булеварот „Гоце Делчев“ во Прилеп. Го прегазил автомобил „Пасат“, со којшто управувал дваесет и шестгодишен прилепчанец. Пешакот со здобил со тешки телесни повреди.Штипјанец е повреден во сообраќајка што се случила во средата вечерта на магистралниот пат Штип – Велес. Сообраќајката се случила меѓу „форд галакси“ и мотоцикл „сузуки“, без регистарски ознаки, управуван од непознато лице кое по незгодата го напуштило местото. Во незгодата со тешки телесни повреди се здобил сопатникот на мотоциклот кој е пренесен и задржан на лекување во Медицински центар Штип. Увид на местото на настанот извршила екипа од ПС-Свети Николе. /крај/мф