Вчера во 11.00 часот во Тетово, полициски службеници од СВР Тетово го привеле 30-годишниот К.В. од Тетово, кој бил баран по потерница врз основа на наредба од Основен суд Тетово за издржување казна затвор.

Лицето било спроведено во Казнено – поправната установа Затвор Тетово за издржување на казната.

Вчера во 14.40 часот во Скопје, на подрачјето на Центар, полициски службеници од Единицата за интервентна полиција при СВР Скопје ги лишиле од слобода 23-годишниот З.Т. и 26-годишниот Ф.Т., двајцата од Скопје, затоа што кај нив била пронајдена и одземена бела прашкаста материја.

Вчера во 19.45 часот во Скопје, на подрачјето на општина Аеродром, полициски службеници од Единицата за интервентна полиција при СВР Скопје го лишиле од слобода 63-годишниот Д.С. од Скопје, затоа што кај него биле пронајдени и одземени таблети.

Вчера во 21.45 часот во Скопје, на подрачјето на Ѓорче Петров, полициски службеници од Единицата за интервентна полиција при СВР Скопје го лишиле од слобода 38-годишниот Ф.Р. од село Глумово, скопско, затоа што кај него била пронајдена и одземена бела прашкаста материја.

По целосно документирање на случаите, полицијата најави дека ќе следува соодветен поднесок.

Четири лица пријавиле каснување од кучиња скитници во полициските станици во Скопје, во текот на вчерашниот ден.

Во Полициската станица Карпош, 58-годишниот З.И. од Скопје пријавил дека на булевар „Илинден“ во Скопје бил каснат од куче скитник.

Во 18.35 часот во Полициската станица Ѓорче Петров, 62-годишната З.С. од Скопје пријавила дека на улицата „Лепенец“ во Скопје била касната од куче скитник.

Во 13.20 часот во Полициската станица Аеродром, 59-годишниот В.И. од Скопје пријавил дека на булеварот „АСНОМ“ во Скопје бил каснат од куче скитник.

Во 15.40 часот во Полициската станица Гази Баба, 44-годишната А.К. од Скопје пријавила дека на улицата „Коце Металец“ во Скопје, нејзината малолетна ќерка била касната од куче скитник.