Црна хроника
МВР темелно ќе ја истражува експлозијата во Куманово
Министерот за внатрешни работи Митко Чавков изјави во саботата дека „интензивно и темелно“ ќе се истражува случајот со експлозијата во центарот на Куманово, каде што пред два месеца македонските безбедносни сили со човечки загуби неутрализираа поголема терористичка група во кумановската Дива населба.
Како што потврди претходно кумановската полиција, во строгиот центар на Куманово во тунелот кој ги поврзува градскиот плоштад со паркинг простор со кој стопанисува приватна компанија, утрото во саботата околу 4,30 часот одекнала експлозија која нанела незначителни материјални штети.
„Според првичните информации излезени се увидни екипи, причинета е незначителна материјална штета, но сепак станува збор за кривично дело кое многу интензивно и темелно ќе го истражуваме со цел да утврдиме кои се сторителите и мотивите за тоа“, рече министерот за внатрешни работи Митко Чавков во врска со експлозијата, пренесе МИА.
Министерот истакна дека увидните екипи собрале соодветни материјали за вештачење и оти се надева дека многу скоро ќе се појават и други показатели и информации кои ќе се користат во натамошниот тек на истрагата.
Чавков во саботата инаку го посети граничниот премин Табановце каде што со претставници на Републичкиот совет за безбедност во сообраќајот подели флаери за безбедно учество во сообраќајот во Македонија за странските туристи./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во водите на Вардар кај Зелениково пронајдено тело на женско лице заглавено во гранки
Вчера во 11.15 часот во СВР Скопје било пријавено дека во водите на реката Вардар во с.Таор, општина Зелениково, покрај стариот пат кон с.Пакошево, општина Зелениково, било пронајдено тело на починато женско лице, кое било заглавено во гранки.
Од екипа на Одделот за специјални полициски операции при МВР, телото било извадено, а по наредба на јавен обвинител било дадено на обдукција.
Црна хроника
Инспектор нападнал началник во ОВР Радовиш, доби кривична пријава и суспензија
Одделот за внатрешна контрола, криминалистички истраги и професионални стандарди при МВР, до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против Б.И. поради постоење основи на сомнение за сторено кривично дело „напад на службено лице при вршење на работи на безбедноста“ по член 383 став 2 од Кривичниот законик.
Пријавениот Б.И. – самостоен инспектор за недозволена трговија со дрога и оружје во Надворешната канцеларија за криминалистички работи Радовиш во ОВР Радовиш, на 20.12.2024 во службени простории на Надворешната канцеларија за криминалистички работи Радовиш физички го нападнал началникот на ОВР Радовиш О.Г..
Одделот за внатрешна контрола, криминалистички истраги и професионални стандарди ќе поднесе Предлог за поведување на постапка за утврдување на дисциплинска одговорност против полицискиот службеник и ќе изрече задолжителна мерка за отстранување од работно место – суспензија до завршување на дисциплинската постапка.
Црна хроника
Уапсен тетовец, баран по потерница за издржување казна затвор
Вчера во 11.00 часот во Тетово, полициски службеници од СВР Тетово го привеле 30-годишниот К.В. од Тетово, кој бил баран по потерница врз основа на наредба од Основен суд Тетово за издржување казна затвор.
Лицето било спроведено во Казнено – поправната установа Затвор Тетово за издржување на казната.