Формално правно во Македонија нема центри за обука на терористи, но во денешната полициска акција „Келија“ полицијата откри дека во интернет кафе, во џамијата Тутунсуз, во приватни куќи и во објекти на невладини организации се подготвувале и се врбувале нови војници од Македонија за да се борат на страната на терористичката организација на боиштата во Сирија.

На врвот на групата се наоѓа имамот Реџеп Мемиши, кој се смета за еден од идеолозите на ова екстремистичко движење во Македонија. Полицијата претрeсувала 28 објекти, од кои 21 во Скопје, четири во Гостивар и по еден објект во Тетово, Куманово и Струга. Претреси биле извршени во џамијата Тутунсуз којашто не е под контрола на Исламската верска заедница, во интернет кафе како и во објектите на невладините „Искра на милоста“ и „Исламска младина“ во Сарај.Регрутирањето на членовите бил долготраен процес, осомничените заминувале со фалсификувани патни исправи преку Турција за да се борат на страната на терористичката организаицаија. Социјалните мрежи биле една од главните алатки за врбување на членовите. Поднесена е кривична пријава против 36 лица од Скопје, Гостивар, Тетово, Куманово и Струга, на возраст од 19 до 49 години, за сторени кривични дела „Учество во странска војска, полиција, паравоени и параполициски формации“.Министерот за внатрешни работи Митко Чавков вели дека ризици за напaди во Македонија има, како што има и во секоја земја во светот.„Самиот факт што има такви поединци или групи се индикатор дека во Македонија се можни напади, но обезбедувањето на виталните објекти и личности се столб на нашите активности“, изјави Чавков.Досега на боиштата во Сирија загинале 16 македонски државјани, а според проценките на МВР 130 државјани се бореле или се борат на боиштата во Сирија./крај/ффс